Acozah in thawngtlami zate 514 cu thawnginn hmun dangdang ihsin suah an si ding tin September ni 17 ni ah thuthannak an nei.
        President in ramsung daihnak leh kumtluan hrang daihnak tuahsuak vivo dingin, minung leh minung ruatsak awih duhsak awknak a lang nak dingin, thawngtla mi pawl cu an mai case ciar cu ngaidam theh an si tin himi thuthannak ah an tarlang.
        Tuitum an suahmi pawl lakah ramdangmi pawl tla an tel an ti nan politics thuhla ruangih thawngtlatu paziat an telve ti cu fiangfai tei' theih a si hrih lo.
        Cozah in kan dung kumkhat sungah politicians thawngtlami thawng telin an suahzo nan tutiang ih thawngthlak tuarlai politicians thawngtlami mipum 300 ai tam an um lai tiin politicians mi thawngtla pawl ca tuahtu pawlkawm pakhat in a sim.
        September ni 17 ahkhan Human Rights Watch khalin ca pakhat a tlangzarh ve ih politicians thawngtlami zate ih suah dingin leh Research Watch International pawlkawm pawl tla thawnginn pi a sung tiangih va lutih va zoh theinak ngah thei nak dingin Myanmar  cozah hnenah an rak dil.

HTML Comment Box is loading comments...