East China tipi ih island pawl thuhla ah Kan mai ta, kan ta tiih buainak a sang deuhdeuh ruangah China ram khawpi pi pawlah Japan dotu zinzawhnak a cang rero lai thotho ruangah East Asia ah ralthuam keng tiang ih buainak a ra cangsuak leh thei men tiin United States of America in ralrinnak a rak pek.
           Sualawk duhnak ihsin thilthalo a ra suak thei vivo ih a netnak ah doawknak tiang a suak vivo thei tin U.S Defence Secretary Leon Panetta in a sim.
           China ram pumpuluk an khawpi pawlah a ni hnihnak hrang zinzawhnak a cang bet vivo ih Sim(North) lam Xhiangjai khawpi ah tla cun thin sosang zetih zinzawhtu mipi pawl thekdarh theh hai dingin palik pawlin mitthli tlakternak bomb thawn leh meitat tidai zitnak pipe pi pawl an hmang.
           Gunjoe khawpi ahcun zinzawhtu pawlin Japan flag meisa in an ur hngai. Beijing khawpi Japan Ambassador zung fehtlang ih zinzawh a tumtu mipi pawl cu palik pawlin mimal tete ih theksak in ambassador zungah zinzawhnak an neih ter.
           Rinni ah khacun zinzawhtu pawlin Japan ambassador zung cu kulhtheh in lungto thawi den ciamco nak an rak nei zo.
          Japan pursum leilawnnak hnatuan pawl leh dawrkai pawl tla donak an tawn ruangah Prime Minister of Japan, Yoshihiko Noda in China ih a ummi Japan rammi pawlih himnak ding hrang a hleice ih tuanvo laksak dingin China cozah hnenah dilnak a nei.
          An cuhawk mi island cu China ih neihmi, an ta a si thu an rak sim lang thotho man.
ni 16,9,2012(Sunday) BBC.burmese.

HTML Comment Box is loading comments...