France ram Alps tlangparih mi pathum an kah thatnak motor hnuaiah nauhak kum 4 mi nunaute a rak relh mi cu France palik pawlih an hawl hmu ngah.
         Hitei sungkua hi Britain mi an si hmelih an mah pawl hi an cawlhlawng caan ih nuamtakih caan hmang dingih ra lengtu an si.
         Nauhak nute ahcun hliamhma leh ziang pem dang hmuh asi lo nan, ziangmi a rak hmu ve ti cu a sim thei ve cuang lo.
         Nauhak nute'i pa hi Iraq miphun Britain ih um theinak ngahtu a siih, ahmin cu Sab Al Hilli a si thu palik pawlin an zingzawi suak ngah ti France news agency in a sim.
         Himi moter kiangah motor bike mawngtu pakhat khal kahthat ve in hmuh asi. Culo, nauhak kum 7 mi nunau te pakhat khal meithal thawi kahngah a siih hliam na tak a put ruangah siizungah tuamhlawm rero lai a si.

HTML Comment Box is loading comments...