Myanmar cozah in planning neiin Chin miphun Christian biaknak thluntu pawl Buddhist biaknakah khohkhah zetin luhter an si tin Chin Human Rights pawlin heknak an nei.
           Chin Human Rights ihsin Salai Za Uk Ling in ramthen tlangpar mipi thansonak bikim leh an onmi tindaan tlawng pawl a kaitu Christian simi Chin miphun pawl cu Buddhist biaknak ih lut dingin thu forhfialnak, cutin letaw in khawsung hotu sang pawl, cozah hnatuantu si dingih thukamnak pawl pekih forhfial awknak a um thu BBC hnenah a sim.
           Wednesday niih tuahmi an press conference nakah Myanmar cozah hin ramsung tuahthar, remthat salnak pawl tuah rero tin an rel rero zo nan an nih Chin ramthen ahcun biaknak ih ti danglamawknak, hmusuam zohniamnak pawl a um ringring lai thotho tin an sim.
           Biaknak hmuahhmuah hin an mah an biakmi sungah midang pawl ra zumve dingih sawmawk theih a sinan, acozah rori'n hmalakih thu pek ih hruai lut cu thil cang daanding a si lo zia Salai Za Uk Ling in a sim bet.

HTML Comment Box is loading comments...