Columbia ih a tumbik mi FARC tapung hopawl leh cozah hotupawl daihnak hrang thu relkhawmnak pawl nei dingin thurawn awknak an nei.
            
              Columbia president Juan Manuel Santos in TV ihsi a thusimnak ahcun kum 50 ih reizo mi buainak pawl cu dai thlang dingah caantha tak a ra suak mi a si tin a sim. Harsatnak a tuartu a ting za tel mipi pawl daihnak co thei nak ding caan tha asinan a khatlamah, daihnak cu awlai te cun ngah a thei cuang hrih lo ding tin a sim bet.

               Tapung hotu Timo Chenko tiih theihmi Rodriko Londono khalin daihnak ngahlai hlanlo an be aw vivo ding tin video tawite pakhat ah a sim ve.

               A hlan kum 10 ih daihnak ngahding an zuamnak hlawhtlin lonak pawl khih langin cozah hin thurelkhawmnak cabuai thlengin minung nunnak pawl cu ziang mi zat tiang a hlan suak zo timi thusuhnak cu tapung hotu pa in a suah.

             Mr. President Santos ih ahlan cozah kuttang kum 2002-2010 tiang ahcun cozah in tapung pawl thawn daihnak hrang thurel khawmnak ding pawl cu an rak el theh.

            Tuih thurelkhawmnak ding cu hmaithla ah Norway ramah an nei dingih cumi ihsin Cuba ramah an fehtlang dingih an relkhawm vivo ding.

HTML Comment Box is loading comments...