Hi mi app cu 2010 ah Urope ram ah an rak hmang zet.Kawlram ah cun tubaite lawngin hmanthok a si.Hi mi function cu mobile  phone pahnih ih sin leitlun hmunkip hi peisa cem lo te in a biak theih ti kan theih cio a zum um.Viber free call hmangthei ding in cu na phone sungah Internet line a um tengteng a ṭul.Cu ṭheh in Viber app khal a um a ṭul ve.Hi mi pahnih famkim ten na neih a si le hmuntin um na rualpi/sungkhat na duhtawk in biak aw Intenet na hman man lawng na cem ding.Cu mi hlei ah zuk pawl khal kuat awk a theih ṭheh.Cu tin Viber a neitu hmuah in olsam zet ih biak awk a theih ruangah Internet Online biakawknak ṭha zet a suah ter.

     
 Viber software a nei hrih lo tu in hitawk hmun ah Free Download tin a um ding ih download rak tuah awla na Memory card sungah ret in install rak tuah aw. (http://viber.en.softonic.com/android). Na instal ṭheh in Viber ti mi cu Open in Continue Button ti mi hmetsal aw.Vei hnihkhat ah cun Viber Service hi na than duh maw tin a sut ṭheu Ok ti mi hmetsal leh aw.Cu ṭheh in Enter your phone number and press ‘Continue’: ti mi box a rung lang ding ih a tlunta sawn ah na umnak ram(Country Code)hril aw.(e.g kawlram mi na si le Myanmar(+95)ti mi hril aw.Cun a hnuaita sawn ah cun na hman mi ph No. ngan aw.kan theih ding pakhat cu 09 ti’n ngan lo in 0 kha ngan a ṭul lo 9 ti mi lawng kha ngan awla Continue ti mi hmet aw.Hi mi na tuah laifang ah Internet line a um tengteng a ṭul.

        Tu ih kan sim mi Viber app cu web System a si ruangah Internet a um lawngah na hmang remcang ding a si.Continue ti mi hmet awla minute pakhat hrawng na hngak hnu ah hmaisa ih na ngan mi ph No. sungah SMS in code no. an lo kuat mi na hmu ding.SMS in cu kuat lo caan a tam sawn ruangah a hnuailam  'If you do not….tinak ih Click here ti mi kha hmet awla cahmai pakhat a runglang na hmu ding." http://activate.viber.com/viber/act….. tin na hmu ding ih himi cu Viber ih Activate Website a si.Your language is: tinak ah ‘English’ hril in " Get Code " ti mi hmet aw.

       Cu ṭheh cun ramdang ih sin Call a ra lut cih ding ih ṭha zet in rak ngai awla Activate Code an runlo sim ding.Vei hnih an lo sim ding ih " An access code has been sent to you by SMS.Enter it below " ti mi box sungah mitu ih an lo sim mi no. kha ngan in Enter Viber ti mi hmet cihsal aw.(e.g 6985 > Enter Viber) tin ngan awla a dik a si le a sangsang ten cahmai a rung lang vivo na hmu ding." No contact yet " ti mi a lang a si le " Add " hmet awla na biak duhmi ih ph No. ngan aw.Hi mi hnu cun tuah harsa a um nawn lo ruangah nangmah te rak tuah vivo awla cu ti cun Viber free call cu nuam zet in na hmang thei ding a si.

Andriod phone hmangtu  nan zaten nuam zet ih nan hmang thei ding ruahsan in…….