Aug 2, Nitin Van Mana
Thursday, 2 August 2012|
CHIN SANTILUAN
Aug 2, Nitin Van Mana
Saam 60-62, Rom 5
Saam 60:11-12
Ka ral in do bawm aw. Ziangahtile milai bomnak cu a lak asi. Kan hnenih Pathian a ttan ahcun kan neh ding. Kan ralpawl a neh ding asi.
Zumtui' nun hi nitinte ral do rero kan si. Mitih hmuh theihlomi thlarau ral kan do ringring. Nehnak cu Pathian hnen lawngah a um. Milai kan rinsan pang asile ningzah mualphonak le sunralnak ah in thlenpi ding. Pathian cahnak huham thawn a do ih Pathian kha lamttang ih a neitu lawngin an ral an neh thei ding.
“Pathian amah lawng ka rinsan, ka runnak cu a hnen lawngin a ra. Amah lawng i-humtu le i-runtu asi. I ttantu amah asi ruangah zohman in in nehlo ding.” (Saam 62:1-2)
“Nehtu nun kan neih lawngah miluat kan si dingih kan nunnak ah Khrih a sunglawi ding.”
Rom 5:10
Hlanlai ahcun Pathian ih ral kan rak si, sikhalsehla a tu cu a Fapa thihnak thawngin a rualpi ah in tuah zo.
Pathian hi na rualpi ah na nei zo maw?
Na thinlung in “PATHIAN” a von tilevete'n ziangti'n na hmu, ziangti'n na ruat?
Mi-ti-feekfeek, thinheng hmang tak, thutthentu, bawi hmiohmio le lal berber ding vekin na hmuh ttheu caang a um ko ding. Thudik ka lo sim ding; Khrih thawngin Pathian cu na rualpi asi zo. Tui' si thokin Pathian kha na rualpi ah nei awla na rualpi vekin kawm aw.
Kan rualpi cun kan nulepa le kan ulenau hnak hmanin kan thuhla in thei deuh. Kan rualpi cu kan kawm tuk cuang. Asinan kan rinsan zetmi kan rualpi pawl cun in phatsan mai ttheu, kan hnakih ttha deuh rualpi dang in kawm san ttheu, in hnongih riahsia in in taan ttheu, kan thin cem ko in tuah ttheu. Pathian cun kan siatnak ding zianghman a tuah dah kello.
Pathian hi na rualpi ah na nei zo maw?
“Na thinlung sungih ummi ziangkim leitlunih na rualpi na ruah ttheu bangin Pathian kha na rualpi ah nei awla na thuhla ziangkim ruah aw. Hnangam daihnak a lo pek ding.”
Pathian thlawsuahnak ….. na hnen um hram seh!!
Saam 60-62, Rom 5
Saam 60:11-12
Ka ral in do bawm aw. Ziangahtile milai bomnak cu a lak asi. Kan hnenih Pathian a ttan ahcun kan neh ding. Kan ralpawl a neh ding asi.
Zumtui' nun hi nitinte ral do rero kan si. Mitih hmuh theihlomi thlarau ral kan do ringring. Nehnak cu Pathian hnen lawngah a um. Milai kan rinsan pang asile ningzah mualphonak le sunralnak ah in thlenpi ding. Pathian cahnak huham thawn a do ih Pathian kha lamttang ih a neitu lawngin an ral an neh thei ding.
“Pathian amah lawng ka rinsan, ka runnak cu a hnen lawngin a ra. Amah lawng i-humtu le i-runtu asi. I ttantu amah asi ruangah zohman in in nehlo ding.” (Saam 62:1-2)
“Nehtu nun kan neih lawngah miluat kan si dingih kan nunnak ah Khrih a sunglawi ding.”
Rom 5:10
Hlanlai ahcun Pathian ih ral kan rak si, sikhalsehla a tu cu a Fapa thihnak thawngin a rualpi ah in tuah zo.
Pathian hi na rualpi ah na nei zo maw?
Na thinlung in “PATHIAN” a von tilevete'n ziangti'n na hmu, ziangti'n na ruat?
Mi-ti-feekfeek, thinheng hmang tak, thutthentu, bawi hmiohmio le lal berber ding vekin na hmuh ttheu caang a um ko ding. Thudik ka lo sim ding; Khrih thawngin Pathian cu na rualpi asi zo. Tui' si thokin Pathian kha na rualpi ah nei awla na rualpi vekin kawm aw.
Kan rualpi cun kan nulepa le kan ulenau hnak hmanin kan thuhla in thei deuh. Kan rualpi cu kan kawm tuk cuang. Asinan kan rinsan zetmi kan rualpi pawl cun in phatsan mai ttheu, kan hnakih ttha deuh rualpi dang in kawm san ttheu, in hnongih riahsia in in taan ttheu, kan thin cem ko in tuah ttheu. Pathian cun kan siatnak ding zianghman a tuah dah kello.
Pathian hi na rualpi ah na nei zo maw?
“Na thinlung sungih ummi ziangkim leitlunih na rualpi na ruah ttheu bangin Pathian kha na rualpi ah nei awla na thuhla ziangkim ruah aw. Hnangam daihnak a lo pek ding.”
Pathian thlawsuahnak ….. na hnen um hram seh!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!