Myanmar ih democracy remsal,tuahthatsalnak pawl an theihpitnak ti lang nakah World Bank in US$85million bawmding tin an tlangzarh.
         Himi bawmnak hi Myanmar farah tuk tikiam duhnak hrang,cazirnak tlawng, lamzin hrang leh tidai thate ih ngah nak ding hrang cu lo len mihnuai ta mi pawl an tulmi an planning pawl hrang ti ih an pek mi a si.
        Yangon, Chatrium Hotel ih an tuahmi press conference ah World Bank ih Asia leh Pacific hrang chairman Mrs Pamela Cox in Myanmar cu ralkap ukawknak in democracy ah, buainak lakih sin daihnak a ra thleng, sangka khar economic ihsin sangka awnmi economic pawl an rak hmangthlang ruangah World Bank cu Myanmar thawn an pehtlaihawk salnak san a si a ti.
       Culawng silo, Amah thotho in_Keimah ah ka relduh zet mi cu Myanmar in pekding an neihmi debit pawl kan thumsak a si lo, a pungthang ih pekding mi tangka pawl ziaum ding in kan tuahmi sawn a si a ti bet.
         Myanmar in World Bank hi tangka US$397 million leiba rulhding an nei lai. Cumi leiba hrang a pungthang pawl pe thei dingih World Bank leh Asia Development Bank pawl in bawm vivo ding tin a sim bet. Cuti an rulhtheh hnu lawng ah US$85million hi an bawm fang ding a si. Cumi sumpai pawl cu a ra thleng dingmi October thla lam ah an pek thei ding tin World Bank thuneitu in a sim.
      Myanmar hin Asia Development Bank hnen khalah US $500million leiba pek ding an nei. Tuikum hnu lamin Myanmar ram cu Leitlun ih thangsonak malbik ram pakhat a si ruangah World Bank hin sumpai lam ah an phihnak a si.

HTML Comment Box is loading comments...