Leitlunih Muslim biaknak betu atambik umnak ram a si mi Indonesia ramih an president Udouno in tuih Rakhine ramih cang rero mi buainak pawl thu ah Myanmar cozah in a thabikin an zingzawi, an tuah rero lai a si thu a rel.
        Adung Java ih an inn ih an tuahmi press conference ah president Udouno in Myanmar, Rakhine ramthen ih a cang rero laimi thuhla ah dikzet leh kimcang zetin tanbul umloin an tuah rero a si tithu journalist pawl hnenah a theimi a sim hai.
        Rakhine-Rohingya thuhla ah biaknak ruangah an buai siloin ramsung mipi lakih cangmi buainak men a si ih awmang zetin  Rohingya pawlin Rohingya pawl cu Muslim an siih Rakhine pawl cu Buddhist an si cio menmen a si thu khal Indonesia President in a sim bet.
       Rohingya pawl cu Bangladesh minung an si ih, sinan tusin palinat tiang rak um zoh an nih pawl cu Myanmar cozah in Kawlram sungih miphun 135 sungah a thuhluhnak zianghman a um hrih lo ti a sim bet.
       Himi buainakah Rohingya refugee 28,000 ihsin 53,000 tiang an pung sinsin ih, cazin vek a silen Rakhine mi refugee 24,000 an um thu,sawiseltu pawlcun Myanmar cozah in Rakhine pawl duhsaknak a nei sawn tin an sim nan khatlamah cun Rohingya pawl cu UN ihsin bawmnak a phunphun ah an ngahtamsawn tin Rakhine pawlin an hmu ih an theihthiam thu pawl an rak rel ve.
      Myanmar ramin buainak a cinfelnak ding hrang Indonesia in cun an theitawk in an tuah ve ih President U Thein Sein hnen khalah Indonesia ih an ruahsan mi thawn pehparawin ca an kuat ding a si thu journalist pawl hnenah a sim.

HTML Comment Box is loading comments...