Myanmar ramah news media 100% luatlatih ngahtheinak ding hrang Mandalay myo ih um journalist zatekom mi 50 ai ih tamin "Stop Killing Press" ti nganmi T-shirt dum hrukin mipi tamnak hmun pawlah tuini ah daiziarin zinzawh nak an nei.
            A thupibikah calai zohdiksalnak hi umnawn lo rori ding ih dilmi a si tin himi lakih telve tu Upper Myanmar Journalist Network ih hotulubik Ko San Yu Kyaw in a sim.
           News Media luatlatnak leh an phihsakmi The Voice leh Envoy journal pawl suahsaltheinak pek dingih mani ah Yangon myo ih an tuahmi journalist sign cukih an dilnak ah Mandalay ih journalist mi 50 ai ih tam an sign pawl cu an kuatlut zo tin Ko San Yu Kyaw in  a sim bet.
         Tuini ih suahmi weekly ih suahtheu mi The Nation news journal cu a cover ih an tarlang mi news journal hrang luatlatnak ngahding dilnakih an zuk pawl cu calai zohfelsaltu pawl in an duhlo ih tlunah kyiankhaing phwinphyo yee party ih Yangon division ih hotu U Aung Thein Linn cu a sinak in an hnukthlak mi thuhla pawl tla an duh lo ti thu theih a si.

HTML Comment Box is loading comments...