August 14 Ah Helicopter Service Hong Ding

    Mizoram ih helicopter service ter tum cu, a hong nak (inaugural flight) neih ding thu hla ruat khawm in Chief Minister Lal Than Hawla hoin Legislative Assembly ih a office room ah thu nei tu pawl thawn an to tlang ih, helicopter service cu August 14 ah hongnak nei dingin an rel.
    Meeting cun, Mizoram ih helicopter service ter ding hongnak cu,inaugural flight cu August 14.2012 zinglam nazi 10:00am ah Thuampui helipad ah nei si sah an ti. Khuakhan dan cun, a hongnak ah hin Thuampui helipad itsin Lunglei ah a zam dingih, Kawmzawl helipad ah tumin, a hmuaknak khawm nak tawi tuah a si ding. Kawmzawl itsin Thuampui ah a ra kir le hnuah, Champhai a pan leh dingih, Champhai itsin  Aizawl a ra kir saal leh ding a si.
    Mizoram ih helicopter Service ding hi Pawan Hans Helicopter Ltd, kilkhawl nak tangah fehpi a si ih, helicopter service ding cu Dauphin Helicopter, mi paruk(6) to thei nak a si. 

Cun a man (fare) cu minute khatah Rs50 a si ding. Helicopter Service nak dingah hin a zamnak ding lamzin (route) pakua ruahman a si ih, Thuampui Helipad cu a hmunpi bik a si ding, “Main Operational Hub” a si ding. Thuampui itsin hin Saiha (minute 50), Lawngtlai (minute 50), Champhai (minute 25), Khawzawl (minute 20), Lunglei (minute 30), Kamalanagar (minute45), Hnahthial (minute 30) Serchhip (minute 17) le Kolosib (minute 15), hi khua pawl ah service theu dingih  ruahman a si ih; Pathianni tih lo cu ni tin a service ding a si.
    Helicopter hi mimal ih hman (hire) si maw Chartered thei dingih ruahman nak tuah a si ih, nazi pakhat hman man Rs70,000 a si dingih, minute 45 sung a lakkaa in a hngak awk theih dingih, cu mi bak cu minute 30 dan ah hngak awk man Rs.10.000 kuan a tul ding a si.
    Mizoram Helicopter Service hong dan ding relnakah hin Chief Secretary Van Hela Pachuau, GAD Principal Secretary Renu Sharma, GAD ( Aviotion) Principal consultant, wing Cmdr (Rtd) Lal Zawma tla an tel