Korea president Lee Myou Back cu Japan thawi mairam,kanram tiih an buainak hmun island pawlah hmakhatteih a va tlawn ruanh Japan leh South Korea ramhnih karlakah hmuhthiamawklonak a suak.
             Himi island neitu thawn pehparawin Japan leh S.Korea ramhnih lakah hmuhthiamawk lonak an rak nei mi hi a rei pi zo.Japan in Korea ram Soul myo ih um Japan Ambassador an kawhkir sal bangin Korea khalin Japan ih un Korea Ambassador cu thurelkhawm dingin an kosal ve.Japan cu ramsungah China, Russia leh South Korea pawlthawn tisung thuhla ah elawknak an nei ih himi thuhla ah mitamih ngaihsaknak hlawh an duh ruangah hitin an tuahmi tla a si thei ko tin Tokyo ih journalist Marioko Oii in thlirletnak a nei.
            S.Korea president Lee in himi island a va zoh thuhla ah an theihthiampit theilo thu, himi thuthawn pehparawin S.Korea ambassador cu khohzetih an kankuat bangin, khatlam khatlam hotu pawlin tuaiih hmuhnak kau leh ramhnih karlak pehtlaihawknak an buaipi ding a that sawn thu Korea ambassador hnenah a sim tin Japan ramdang vuankyi Koiishiyo in sim.
           Japan ih colony kutthuai ihsi S.Korea a suahnak kumkim lawmnak an tuahding caan kimlonak ni malte lawng duhah himi thil a cang bangin olympic puai pawl khalah Japan leh S.Korea bawhlung team pawl reilo ah an tawgaw lai ding a si. Korea in DOUGHDO tin an ko ih Japan cun TAKISHIMA ti an kawhmi himi island hi kum 1953 kum ihsin S.Korea pawlih rak kilkhawimi a si. Sinan, tui kan dung kum lai ihsin himi island cu history thu ih neitusinak thuthawn pehparawin Japan leh S.Korea ramhnih karlakah thu elawknak a rak cang rero mi a si. Japan media mi pawl cun himi thu hi tlansan theihlohmi thu a si ruangah ramhnih karlak pehtlaihawknak a siatsuah phah thei tin an ngan.

HTML Comment Box is loading comments...