Aug 10, Nitin Van Mana|Chin Santiluan

Home » Thlaraurawl »

Aug 10, Nitin Van Mana

Saturday, 11 August 2012|

CHIN SANTILUAN

Aug 10, Nitin Van Mana

Saam 79-80, Rom 11:1-18

Saam 80:18-19

Na hnen ihsin kan pial nawn hrimhrim lo ding; in nungter awla kan lo cawimawi ding a si. Maw Bawipa, ziangkim tithei Pathian, in tungding sal hramaw. Na mithmai ṭha kan parah run tlangter awla, runnak kan ngah ding a si.

MIlai cu famkim kan umlo. Pathian ih hnamthlan Israel pawl khal an lamzin an rak pial, an rak tluse ttheu. Cumi caanah Bawipa in ziangmi a zoh tile "Ka sual ngai, ka mawh ngai, ... in ngaidam hram aw" tiih ngaithiam dil thlacamnak le lamzin dik hawlih Pathian thupek thlun dingih nun hlanaw kha asi.

Tulai sanah "Piantharnak a hlo theilo" timi thu keng tahratin duh-ta-poh sawh ih nung zumtu lakah kan um hnuaihni. Kan siirawk ih Pathian hnenah ngaidam dilin thla kan cam a cu zo. Himi ca na siar vete'n mi piangthar na si hnu ih sualnak na tuahmi pawl, ziang siarlo ih na daithlannak pawl Pathian hnenah ngaidam dilin thlacam aw. Atu!

Rom 11:12

Judah mi pawlih sualnak in leilung tlunah thlawsuahnak tampi a thlenter; an thlarau lam farahnak in Zentail mi hnenah thlawsuah bawngmal tampi a sawm.

Zentail mi pawl hi kanmah Israel miphun asilomi pawl hi kan si.

Hlanah Israel pawl in Jesuh an rak hnong, an rak that, Khrih ih rundamnak thuthangttha tla an rak cohlanglo. Cumi cu kannih miphun dang pawlih kan thlawsuah conak asi. Tuisun ah Israel tlunih a thlengmi thu tthalo kan theih tikah riahsiatpi uhsila an hrangah thlacam uh si.

Jerusalem daihnak hrangah thlacam uh:

“Nangmah a lo duhtu pawl cu ṭhangso haiseh; na khua kulhnak hruang sungah daihnak um sehla, na siangpahrang inn sungah himnak um hramseh,” ti in. (Saam 122:6)