Aug 6, Nitin Van Mana
Wednesday, 8 August 2012|
CHIN SANTILUAN
Aug 6, Nitin Van Mana
Saam 70-71, Rom 8:22-39
Saam 70:1
Maw Pathian, i run aw. Maw Bawipa, atu-ah i bawm aw.
"Atu-ah" timite hin ka lung in tong zet.
Milai cu khat le khat kan duhdawtaw zetih kan ruataw zet ttheu hmanah remcanglo tivek kan nei. Kan duhsakawknak tla a cem thei, tawpni a nei. Milai cun, "Aiyaww... ka lo ruat zet nan, kan umnak a hlataw tuk sisi mawwww...." "Singai aaa... ka lo ngaihtuah zet nan tufang cu ka remcanglo pi mawww...." "Si rori nan aaa... tufang cu ka manlo tukih cunah si..." kan tiaw ttheu. Asinan Pathian cu ziangtik lai caan khalah na ttul asile "Atu-ah" a lo bawm theitu asi.
"Pathian cu ziangtik lai caan khalih remcanlo lai nei dah kello asi. Na hrangah tikcu a nei ringring."
Rom 8:28
Ziangtinkim ahhin Pathian cun amah a duhdawtu le amah ih tumtahmi vekih a kawhmi hrangah cun an ṭhatnak ah hna a ṭuan a si, ti kan thei.
Zumtu nang le kei hi Pathian in a duhdawtnak thawngih in kawhmi a fale kan si. Ziangahtile thuthangttha cu kan hna in kan thei, ka thinlung in kan zumih kan pom. Cumi cu in rak hril cia zo ruangah asi. Mi tampi in kan theih zat hnak hmanih tampi'n Pathian thu an thei ko nan an zum duh hrimhrimlo. Cumipawl hrangah cun Pathian thu hin hmual a nei lemlo ding.
Rual duh, nang le kei cu Pathian ih hril hleice mi kan si ruangah nitin kan nunnak ih kan hmuhmi, theihmi le tontehmi ziangkim hin umzia an nei thluh. Pathian in kan hrangih thilttha suak dingih a khawkhan lairelmi an si. Ziangkim Pathian kut sungah hlanin hnangamte'n nun hi a nuambik!
"Nitin na nunnak ih na hmuhmi, theihmi le tontehmi ziangkim hin umzia an nei. Ziangahtile Pathian in na hrangih rem a ruah cia mi an si."
Pathian thlawsuahnak ..... na hnen um hram seh!!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!