Aug 7, Nitin Van Mana
Wednesday, 8 August 2012|
CHIN SANTILUAN
Aug 7, Nitin Van Mana
Saam 72-73, Rom 9:1-15
Saam 72:1-2
Maw Pathian, dingthluk lairelnak thawn thuṭhentu a sinak dingah nangmah in siangpahrang cu zirh aw. Na dingfelnak coter ve awla, cuticun na minung pawl feltein thu a ṭhensak thei dingih dingnak thawn namsukmi pawl a uk thei ding.
Israel pawlin an Saam hlabu sungah siangpahrang hrangih an thlacamnak a um.
Ka siar ngah vete'n, "Kan ram uktupawl hrangah veiziat thla ka cam?" ti'n thu ka sutaw cih.
Kan ram uktupawl hrangih ka thlacam zat hi an tthatlonak ka relsiat hnakin a mal deuh. Ka phuhrungaw ngaingai.
Ruataw ve hnik hman?
Kan ram uktu hrangah veiziat thla na cam? An tlinlonak zawnah veisiat na relsia?
Na kawhhran pastor le hruaitu upapawl teh, an hrangih na thlacamnak maw na relsiatnak ha tam deuh?
"Uktupawl hrangah thlacam ding hrimhrim kan si. Ziangahtile an tlunih thuneitu taktak cu Pathian thotho asi."
Rom 9:1
Ka simmi hi thudik a si. Khrih ta ka si ih thuphan ka per lo. A sia le a ṭha thleidan thiamnak, Thlarau Thianghlim ih ukmi ka thinlung hin thuphan ka per lonak cu fiangtein i sim.
Thuphan na per dah maw?
Kan miphun hi Khrihfa kan tiaw ko nan thuphan sim hi poimawh ah kan ret lemlo a bang ka ti.
Nupi le pasal karlakah tla fate hnenah, "Nanu/Napa hnenah cuti'n sim hlah maw, khiti'n simaw" tivek.
Kan falepawl khal automatic in thuphan per kan zirh ttheu. Cutiih tthanglian kan si hai tikah thuphanper hi daanah kan neih menih zianghman poi tinak caang kan thiamlo.
Khrih ih ta na si maw? Khrih ih ta na sile thuphanper hlah aw. Thudik na rel ruangih na tuar dingmi cu hril sawn awla Khrih in a lo sunloih sawn ding. Thuphan mawi tuk sim thiam ruangih milai ih sunloihmi si hnakin thudik rel ruangih Khrih ih sunloihnak co ding a duh um sawn.
Pathian thlawsuahnak ..... na hnen um hram seh!!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!