Aug 5, Nitin Van Mana
Wednesday, 8 August 2012|
CHIN SANTILUAN
Aug 5, Nitin Van Mana
Saam 68-69, Rom 8:1-21
Saam 68:1-2
Pathian tho sehla a ral pawl ṭhekdarh seh; amah a huatu pawl cu tlanhlo thluh haiseh. Meikhu cu thli ih a semhlo bangin amah in a semhlo ding; khuailul cu meisa hmai ih a zup thluh bangin, mi ṭhalopawl cu Pathian hmai ahcun siatral thluh haiseh.
Pathian cu kan ziangkim ih ziangkim asi.
Himi Saam cangantu David hi raldo zet asi. Ral a do ringringih ral a neh ringring. Pathian kutcak ringin ral a do. A hrangah Pathian hi ralbawi hotubik dinhmun ah a ding. Pathian thuron hmaisa le Pathian ih cahnak ringin la Pathian ih lamhruainak thawngin ral a do.
"Pathian a rinsantupawl hrangah Pathian cu an ziangkim ih ziangkim asi."
Pathian cu, ...
-Ralkappawl hrangah ralbawi asi.
-Zirlaipawl hrangah fimnak petu asi.
-Zirlaipawl hrangah fimnak petu asi.
-Hnattuanmi hrangah hlawhtlinnak asi.
-Damlomi hrangah damnak asi.
-Mi farah hrangah lennak asi.
-Mi caklo hrangah cahnak asi.
-Misual hrangah felnak asi.
-Saltangmi hrangah luatnak asi.
"Pathian cu amah a rinsantu pawl hrangah an ziangkim ih ziangkim asi."
Rom 8:14
Pathian Thlarau ih hruaimi pawl cu Pathian ih fa an si.
Pathian fa na si maw?
Pathian ih falepawl cu Pathian Thlarau ih hruaimi an si.
Nitin na nunnak ah na tisa duhhiarnak hrangah maw Thlarau Thianghlim ih duhdaan in na nung?
Na tuahmi hi nza tisa duhhiarnak diremter dingah maw Thlarau Thianghlim duhzawng ha asi?
Na zawhmi lamzin teh? Na ttongmi ttongkam teh? Na ruahmi thu teh?
"Rak cekaw awla rak ruat hnikaw: Thlarau Thianghlim maw, na tisa duhhiarnak in a lo uk. Pathian ih fa na si maw?"
Pathian thlawsuahnak ..... na hnen um hram seh!!!
Salai Vanruah.
Ps: Mani ah ka rak ngan manloih tuini ah ka rak ngansal.
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!