Phillipine khawpi Manilla khawpi hmun tampi ah ruah nasa tak a sur ih ti a lik rero.
         Mi a thawngsawm telin lei san nak lam panin an tlan rero. Ruah a tak bet vivo thei ruangah dawn a ti har zet. Manilla khawpi ih hmun tampi ah hmunthen khat ah tai can tianglai ti a sangih, a thenah cun hngawg tianglai ti a kai so vivo.
        Khawpi sungih zinpi thenkhat pawl khal mnung fehtheih lo tiang ti in a philh theh. Cozah nikhua sinrelnak zungih hotu pai thusuak latu AFP ih ngan mi vek a si ah cun Metro Manilla tiih kawhmi Manilla khawpi sunglam ih 50% hrawng ah ti a lik zo tin a ngan.
        Hiti tilian vivo cu monday niin a thokin nazi 24 ai tam ruah nasa takih a sur ruangah a si. Himi tiliannak ruangah a malbik mi 9 an thi zo ih Manilla khawpi leh a kiangkap ih mi 20,000 ai tamkhal an umnak inn pawlihsin hmundang ih thawn an si zo.
       Tlawng, cozah zung pawlkhal a tamsawn cu khar a si ih Phillipine stock bazar leh American ambassy zung telin International Ambassador zung thenkhat pawl khal an khar theh. Rail leh bus tamtak khal hmuntampi ah an ding hnuaihni.
       Tufangah cun Manilla ih himi ruahpawl an lakkhawmnak tikhuahpi a simi Lamesa tikhuah pi khal ti a liamkhat theh zo. Curuangah, cumi tikhuah tang ih umpawl mi tampi khal an umnak hmunthawnsak an si. Hi minung pawl cu hall, basketball lehnak zung pawlah leh hmunthenkhat pawlah cun a remcaan daanih thlamte sakin beunak an hawl celcel.
        Diktak cun, Manilla leh Phillipine hmarlam ih tofone thilpi hrang ruangah hiti borua sia an tuar nak hi zarhkhat a liam cuahco thlang ta. Kn dung zarhah tla khacun ruah leh thlipi in a nuai ciamco runagah mi 50 in thihnak an tawn phah. Tutiang ruah han hmel a lang hrih cuang lo. Ruahpi a sur bet vivo thei lai ko tin an hotu pawl khalin an sim bet.

        

HTML Comment Box is loading comments...