Aug 23, Nitin Van Mana
Friday, 24 August 2012|
CHIN SANTILUAN
Aug 23, Nitin Van Mana
Saam 113-115, 1Korin 6
Saam 113:2
Bawipa ih hmin cu atu le kumkhua in thangṭhat si seh.
Ziangtikah Pathian kan thangtthat ding? -A tu le kumkhua in!
Kan lungawi caan le kan hlawhtlin caan ahcun Pathian thangtthat hna kan thiam.
Kan riahsiat caan tak ahcun Pathian hi thangtthat tlaklo tak vek khi a bang.
Pathian cu ziangtik lai caan khalah biaktlak le sunloih thangtthat tlak Pathian asi ringring. Pathian thangtthat ringring awla thangtthat tlak asizia na nunnak ah na tep ngah dingih na theifiang sinsin ding.
"Catbangloin Pathian thangtthat awla harsat mangbangnak lak khalih lungawi hnangamnak tlamtling a lo pek ding."
1Korin 6:20
Man pek ih leimi nan si. Curuangah nan taksa cu Pathian sunlawinak ah hmang uh.
Pathian ih in rundamnak hi mi zumtu tampi cun an theithiamlo. "A lakin kan ngah" ti'n an ruat.
Rundamnak hi alakih ngahmi vekih kan ruah tikah kan hrangah man a neilo tukih sullam khal a neilo.
Huham cahnak khal a neilo ih cui' rundamnak in kan nunnak khal in thleng thar danglam thei cuanglo.
Ziangahtile kan cohlan daan a diklo; "Alakih ngahmi" ah kan ruat!
Pathian ih rundamnak hi aman a khung tukmi kha "manloin" kan ngah sawnmi asi.
Jesuh Khrih ih nunnak thaap rori'n in rak lei. Cutluk mankhungmi khi, manloin in pek sawn asi.
"Nang le kei, kan man a khundaanzia cu Jesuh Khrih ih thisen thawi' leimi kan si. Pathian hrangah man nei zetin nung ding kan si ko lo maw?"
Pathian thlawsuahnak ..... na hnen um hram seh!!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!