Aug 20, Nitin Van Mana
Tuesday, 21 August 2012|
CHIN SANTILUAN
Aug 20, Nitin Van Mana
Saam 105-106, 1Korin 3
Saam 106:2
Mangbangza a tuahmi pawl zoso tlamtling in a sim thei ding? Amah thangṭhatnak cu zoso a saal cawk ding?
Leitlun harsatnak ruangah na mangbangin vansang na lam maw?
Ngaite cun Pathian ih mangbangza thilti theinak cu na harsatnak hnakin mangbang a thlak sawn.
Mangbangza Pathian asinak na ruat na ruatih na theihfiang sinsin asile ttah-aihramnak hnakin Pathian thangtthat rero in na nun na hmang thei vivo ding.
"Pathian ih mangbangza thilti theinak cu na harsatnak hnakin mangbang a thlak sawn."
1Korin 3:8
A tuhtu le tidai a toihtu cu an dan awknak a um lo; an hnaṭuanmi vekin Pathian in ṭuanman a pe hai ding.
A tuhtu in tuhlo sehla thlaici a kho theilo ding. Thlaici kho kha tidai a toihtu umlo sehla thlai kung a tthang theilo ding.
Thlaihnah thlairah kungkhat a parih a rahsuak theinak dingah a ci tuhtu le tidai a toihtu an um tengteng a ttul.
Pathian in zumtu kan zate'n a ram hrangih a hnattuantu dingah in ko.
Ziangmi zawnah ziangtivekin Pathian in hman in duh timi kan theih dingah a thupi zet.
Pulpit parih Pathian thu simtu lawng hi Pathian hnattuan an si ce lo.
Zumtu kan zate'n Pathian in kanmah le zawn siarah thilti theinak in pek. Cumi cu hmangin a hnattuan cio ding kan si.
"Na ti theimi umsun a fatebik ihsi thokin Pathian hrangah thinlung takih na tuahttuanmi ziangkim hi Pathian hnattuan na si."
Pathian thlawsuahnak ..... na hnen um hram seh!!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!