Aug 24, Nitin Van Mana
Friday, 24 August 2012|
CHIN SANTILUAN
Aug 24, Nitin Van Mana
Saam 116-118, 1Korin 7:1-16
Saam 116:12
Ka parih a ṭhat ruangah hin Bawipa cu ziangso ka pek ve ding?
Saam 116:15
Amai minung pakhat khat an thih tikah, Bawipa ih hrangah ziangtluk in so a man a khun?
Pathian hrangah thil pakhatkhat kan tuah tikah kan theihlo sungte'n kan thinlung sungah uarawknak le hngalnak a suak thei. Cuvek caanah kan parih Pathian tthatnak kan ruah ringring ding a ttha. Kan tuahmi thamtham cu Pathian kan parih a tthatnak thawi' tahtthim cun ziangso relding tlak um? Kan tuahttuannak in Pathian ih tthatnak kan sam thei dahlo ding. Pathian cu a ttha tuk lawm mam.
Pathian hrangih kan nunnak kan hman tikah hi leitlun lawngah siloin Pathian hrang hrimhrim khalah nun man nei le mi mankhung kan si. Pathian hrangah a nunnak tianghman a liamtu cu vancungram tiangin nun man nei le mi sunglawi asi.
"Nun man nei le mi sunglawibik si na duh le Pathian hrangah nung aw."
1Korin 7:16
Khristian nunau, ka pasal ka runsuak thei hrimhrim lo ding tiah ziangtinso na ti thei?
Khristian mipa, ka nupi ka runsuak thei hrimhrim lo ding, tiah ziangtinso na ti thei?
Miphun dang nupi/pasal neih ding hi kan dawn/kan khamaw rero ttheu. Ziangmi lungput nei in ziangruangah kan khamaw ti cu kan bangaw ciolo men ding. Pathian theilo phunhnam an si ruangah tla asi thei vekin miphun cokrawi duhlo ruangah tla asi thei. Duhdawtnak in le miphun a thleidang fawnlo.
Ziang a va si khal le zovek miphun, zovek milai kan va duhdawtih kan nupi/pasal ah kan va nei asi khal le Pathian theitu innsang kan si ding a thupibik. Pathian ih miphun kan si ding a poimawh deuh.
"Kanmah rori hi Pathian kan zumnak ah hngetkhoh zetin kan cak asile kan nupi/pasal khal Pathian lamah kan kaihruai thei ding."
Pathian thlawsuahnak ..... na hnen um hram seh!!!
Posted in
HTML Comment Box is loading comments...
0 Siartu Aanka for this post
Comment Rak Pek Ve Aw..!