Saudi Arabia leh Katar telin Arab rampawlin an rammi pawl ruksak(kidnap)nak tihnungza a um ruangah Lebanon a rangtheibikih suahsan cio dingin thu an thanaw nasa.
   Tui ni malte ah Lebanon ramsungah Sunni Muslim pawl parih thuneihnak neitu Shia miphun pakhat lakah kidnap nak a pehih a ra can hnuah Saudi Arabia, UAE, Katar leh Kuwait rampawlin hiti ih ralrinnak thu an suah mi a si.
   Syria ram Damascus ih Shia miphun pawl tapung pawlih an kidnap mipawl an airulhnak ih hiti an tuahmi a si tin an rel.Lebanon ramih an suahmi TV ih video pakhat ahcun kidnap a tawngtu tiih an relmi mi pahnih cu hmaihup tahratih ralthuam keng pawlih an kulhlai zuk tla tilang a si.
     An kidnap mi lakih sungte pakhat cun hitin a rel....
     Himi sungkua pawlah doawknak ralthuam an nei. Lebanon ramkulh sungah Syria rammi pawl cu hiang pawlin an kidnap rero tin a sim.
     Doawknak ralthuam pawl leh ralkap titawktak neitu Shia sungkua pawl cu Syria tapung pawlthawi hnawihnihawknak an nei titu minung 20 lai cu an kai tin an rel.
     Thu leng thenkhat ahcun hiang minung pawlhi Lebanon ramih Beirut khawpi international airport fehnak motor zinpi pawltla an phit ih France airline ih vanzam pakhat khal kilhimawknak hrang Jordan ah a zam phei ih cunah a va tum tin thutheih a si.
      Kidnap a tuartu a tamsawn cu Syria rammi pawl an sinan,Arabia rammi pakhat leh Turkey rammi pakhat khal an kaih zo thu Syria ih a ramhnen pawlin ralrinnak pek in thu an hei than tin BBC journalist pakhat in a rel.
      Lebanon vuangyigyoke leh president hin tuvekih kidnapawknak hi nasa takin an sawisel.
      Syria ramsung buainak ruangah a rammi pawlin ramdangih an tlansuah san nak ah lebanon ramsung khalah adagn ramhnen pawlbangin raltlan thawngsawmtelin an um ve.
     

HTML Comment Box is loading comments...