Rakhine ramthen, Sittwe myo, Thechaung refugee campih sungkua 18,mipum 100 tluk hrawng cu mani ah myo sungah an thawn lut theh ti theih a si.
     Sittwe myo sung thawmvang a dai thlang ruangah refugee camp ih a umtu pawl Rakhine sungkua thenkhat pawl khal inn an tlung cio ti thutheih asi.
     Cumi Hindu sungkua pawlcu ahlanah Sittwe Nahzi khuaah Rakhine,Maramagyi,Muslim pawlthwn an rak umkhawm dahih an veng mei ursaknak an tawn hnuah tuvekih myo lengih refugee camp ah an thawn termi an si.
     Muslim ralltan pawl tutiangin Thechaung refugee camp ah an um lai thotho cu sinan an hrang khalah cozah thil a tuahsak rero lai tin an rel.
     Sittwe ah ahlan ahcun zanlam 6 ihsin zinglam 6 tiang suahvah awihlo daan khohzet an suahmi ihsin tuahcun zanlam 7 ihsin zinglam 5 tiang tin nazi 2 sung an thum sak.
    Sittwe khawsung a dai vivo ih tu ahcun bazar leh tlawng pawl khal an ong theh sal thei zo.

HTML Comment Box is loading comments...