China leh Japan in taa(kan ram)ti ih an phuanlang veve nak island ih ra thlengmi China ram thapetu pawl mi 14 pawl Japan ralkapih an kaihsaknak ah China hin nasa takin a lungwi lo thu a ti lang. Tipikap kiltu pawlih thatakih an kil lak laiin phurtakih tuantupawl Hongkong ihsin Tilawng thawn an ra thleng mi a si thu Japan ralkap pakhatin a sim.
         Japan tipi kiltu pawlin cangvaitu pawl rak to mi China ngaikai lawngpi cu meitat pipe thawn tidai in an zitih an rak kham rero zo tin an sim. Kaih a tuartu pawl cu immigration daan an pahbal a si tin Japan ralkapin an hekih an thu cingfel sak dingin Okinawa island ah an kuat suak zo ti a si.
         China cangvaitu pawlcun an neihmi hmun ram hrang an elawknak island parah Janpan Hluttaw Amatt pawl an fehtum ruangih dolet ve dingin tuvekih an tuahnak a si tin an rel.
         Japan in Senkako tin an ko ih China in Diaoyu ti an kawhmi minung zohman umlonak island pakhat an cuhawknak thu ah ramhnih karlakah pek leh pek in buainak a suak ringring. Himi island ah natural gas pawl leh a kiangnai khalah ngakaihnak hmun tumpipi a um.Adang thilcangmi pakhat leh cu himi bangih elawknak suak theu mi Japan in Takeshima tin an ko ih Korea in Dokdo ti an kawh ve mi island ah Korea rammi pawl an va thleng ve.
Beijing ih Japan ambassador zung hmaiah China pawl an lungawi lo nak catar keng phah in zin an zawh rero lai zuk.

HTML Comment Box is loading comments...