President U Thein Sein cu ni 3 sung camding in Thai ah tui ni in a khual tlawn a thok. A thlun tu aiawh lak in energy lam vuangyi, business leh trading lam ih vuangyi, planning lam leh business thanso ter nak lam vuangyi, loram lam ih vuangyi tel in vuangyi 7, pahnih nak vuangyi 3 pawl an tel ih, hi mi ih sin ram hnih lak siipuazii ih tanrual tuankhawm nak lam hrang a si teng teng ding tin mi tam in an zum.
Sunday ni a khualtlawn thawknak ah Myanmar, Dawei tidai lam thawn pehtlaih aw ding ih an rualrem cia mi Bangkok myo ihsin South lam kilometre 100 hrawng ih um mi Chongburi pyine, Lamchiaban seikkaan ah an va feh.
Thaisun monday ah hin Thai PM Shinawat thawn an tawn awk tik khal ah ramhnih lak sipuazii tuantlang vivo nak hrang thawi pehpar aw mi theihthiam awk nak ca pakhat ah sign tlang nak nei ding an si.
Cu mi ca sungah cun Dawei seikkaan sak nak ding hrang lungkim nak pawl a tel ding zum a si.
President U Thein Sein thawn Myanmar trading and industrial tuahtu pawlkawm lak in aiawh pawl tla an tel an thlun ve ih thaisun ah Thai_Myanmar sipuazii council in Myanmar prisident leh a ho pawl cu suncaw thawi hmuak ih tawn awk nak nei ding an si.
Thai hi kawlram ih a hnatuan pi bik ram pakhat a si ve ih kum 2011-2012 financial year ah ramhnih karlak trading nak ah billion 4.5 tiang a thleng a si.
Myanmar tuahthat remawk sal nak thu vek ah nitlak nak lam ram pawl in an khar khih mi pawl an zia um ter lai ah Thai ram hin kawlram thawi trade an neih nak ah leh investment an neih nak pawl khal a ai h pun ter sinsin an rak duh ve.
President U Thein Sein cu Myanmar ah $billion tampi thawi investment tuah bet vivo ding a phur zet tu an ti mi PTT Thai zinan company hotu pawl thawn khal hi a khualtlawn sungah tawnawk nak an nei ding.
Myanmar sungih siannak nei lo ih ra lut an kaih mi Thai mi mi 90 ai ih tam thuhla pawl khal tui tum a khualtlawn nak ah Thai lam ih sin an sut hlam ding tin Thai journalist pawl in ruah cia nak an nei.

HTML Comment Box is loading comments...