Tuluk ram Beijing myo ah kum 60 sungih a rura bik mi ruah a sur ruangah a mal bik mi 10 an thi ih ma ni sun ah cun mi a thawlng tel in an mai him nak hawl in an inn an suahsan.
Sunday ni Beijing khaw boruak cu a tha deuh zo nan an ram ih nisuahnak lam leh nitlak nak lam ah cun ruah a sur bet lai ding tin an phuang.
Saturday ni ah ruak nasa tak ih a rung sur phutphi ruangah Beijing zin pi pawl ah ti dai a khat liam,in pawl a hawk,thingkung pawl an tlu ih meisa hri tampi tla a cat.
Taicaan tiang lai ti dai a liam mi zin pi ah cun motor car pawl leh bus pawl feh thei nawn lo in an ding khep khep. Mi thi pawl lak ah hin in cim ih a nen ruangah, tek ih den that mi,meisa hri cat mi ih a shock ngah mi pawl an si.
Beijing airport ah zam suak ding 200 lai an cawlh ter sal ruangah khualtlawng mi a thawng tel in an tang thepthep.Ruah ziang tluk a tak t len waterfall hnuai ih va thleng vek khi a si ko tin tuluk ram ih kum khat lai tlawng rak kai rero tu British mi tlawng ta pakhat in BBC hnen ah a sim.
Hmarlam Xianzhi pyi ne ah khal tikawng ah thilri phur motor pakhat a fen ih mi 4 an thi. Nitlak nak lam Sichuan pyi ne khal ah lei a min iih mi dang 6 an thi bet ti thu theih a si.
Tui hnu rei lo khal ah ni khua sezt lo le a cak zet mi thli pi hrang a cang thei lai ti Beijing myo suah cozah website ah an tarlang.

HTML Comment Box is loading comments...