Naypyidaw, Pyinmanar myo ih hmailam mile 26 hrawng ih hla a tlun Ponglawng tikhuah planning ruangah Shan state simlam Pinlawng ramthen ih um Ponglawng tiva kapih khua 22, innzat 2000 hrawng, cumi khua pawl ih um minung 8000 aiih tam cun hmundang thawnawk an tul thlang ding.
             Ponglawng tikhuah planning hi kum 2005 ihsi rakthok mi a siih tuikum 2012 July thla tiang ih an saktheh zomi cu 90% lai theh zo a si. Himi planning theh in cun khawte pawl thawnawk thehding tin hotu pawl in kum 2011 ah an rak than cia zo nan,tutiang an thawnawkih an rawlhawlnak ding hmun pawl a pek hirh lo ruangah khawsungmi pawl in an hmailam hrang an ruahhar tukcia thu khawsung mi pakhat in BBC hnenah a sim.
              Khawsung mi pawlih neihmi acre 2000 luan cu fangcinnak hmun, miipee cinnak hmun leh kumreidaih hmuan pawl cu acre 1000 aiih tam a si ih an kuan sak fawn lo, sinan tlansan ding a si thu khal khasung mi pawl in an sim.
             Electric megawatt suahthei ding a tlun Ponglawng planning hi Myanmar ih No.1 Hliatsitsuanaarr department lah Yunan cetthilri export import company komawih tuahmi a si ih Europe company thenkhat ih technology hmantelnak in Myanmar ram tiva lam network pawl ih website ah tarlan a si.
             Myanmar ram pumpuluk ah titha thawi meisa suah planning 48 tuahding in cozah in a hamcia ih a tumbikmi cu Shan state nisuahnak lam ih Thanlwin tiva parih tuahmi Taasan tikhuah planning hi a si.

HTML Comment Box is loading comments...