A ra dingmi kum 2013 ihsin Myanmar ih bank pawlah international credit card pawl hmanthok thlang ding a zumum thu AP news in a tarlang.
          Himi hrangah VISA credit card company thawn relremnak an neih zo thu Kanbawza bank ih pahnihnak hotulu in a sim.
         Hminti lang duh lo tu bank ih hnatuantu pakhat cun Visa company thawn lawng si loin, Master card/China Union Pay leh Japan Credit Bureu pawl thawn tla relkhawmnak an neih rero lai thu, 2013 ihsin hmanthok a theih ding a zum um thu a simve.
        Myanmar cu USA leh EU europe lamthawn kum 2003 ihsi sumpai thlenawknak lam an rak kharkhih awk zo ruangah Myanmar sungih ravaklut tu khualtlawng mi pawl hrangah cun credit card hman theih a si lo ih tangkai fai lawng an keng ih hman rero a si.
      A reihlanah khan, Myanmar ramsung tuahthatsalnak pawl a cang rero thlang ruangah an kharkhihmi thenkhat pawl cu tidulsak a rak si.

HTML Comment Box is loading comments...