UN ih hotu sangzet pakhat in Syria ram, Aleppo khawpi ih doawknak rapthlak tak ruangah aliamcia mi ni 2 sungah minung ting2 lai an tlansuak a si tin a sim.
UN ih mihrang rundamtu pawl hotu sang pakhat Emos ih relnak ahcun Aleppo, Damascus leh adang khawpi pawlah khawsung um mipi pawl lak khalih an kahawknak pawl a nasat tuk ruangah mipi hrang a rak thinhar zia khal a relve.
Emos in Aleppo khawpi sungah a zat theihfiang lo mi mitamtak an tang lai ti thu leh,khawpi sungah inding tidai tel in a rangtheibikih bawmnak an tul thu tla a simbet.
Cozah ralkap pawl lamin khawsungih tapung pawl an lakmi hmunsung lutthi dingin an beihnak ruangah doawknak a sang sinsin tin cumi kiangkap ih rak um ve tu mi pakhat in BBC hnenah report nak a nei.

HTML Comment Box is loading comments...