Myanmar lawngte hai Shwe Zin Latt cu a nihnihnak lekawh nak si in,meter 2000 hla a pak ih lawngte hai zuamawknak ah mani ah khan a tel ve ih, pali zuamawknak ah an group hi a pathumnak lawng an ngah ruangh quarter tel ban nawn lo ding.
Ma Shwe Zin Latt cu a nikhatnak lehawk nakah a sung ruangah a thabikmi sungtu pawl mi 8 zuamawk nak ah mani kha a tel sal mi a si.
Myanmar aiawh ih teltu meithalkah, air pistol zuamawknak ah Mg Chuu a tel ve ih,mark 600 sungah mark 565 lawng a ngah ruangah a sung ih, zuamawknak in a suak ve.
2008 Beijing Olympic ih thaisai zuamawknak ih rak tel ve dahtu Ko Nay Myo Aung khal zuamawknak in a suak ve zo.
Tu ah, Myanmar group pawl telve nak ding a tang lai mi puai pawl cu mipa meter 400 tlanzuamawk nakah Ko Thet Zaw Win leh marathon hrang Ma NiLar San pawl an tel ve nak ding puai pawl lawng a tang thlang.
Judo zuamawknak ih telve ding Ma Aye Aye Aung cu August ni 2 ni ah a lek ve ding. Himi puai ih zuamaw ve ding cu a awl lo tuk tin London a thleng ve mi lehawknak lam vuangyigyoke U Naw Taung in a sim.
China, Japan leh South Korea ram pawl cu olympic pahtlang thei tiang cahnak an nei a si thu, Myanmar ram hrangah cun tampi nasa zetih zuam a tullai tin a simbet.

Zuamawknak ih telve tu hmin list pawl-
Marathon          -  Nilar San
Meter 400 tlan  -  Thet Zaw Win
Jodu                  -   Aye Aye Aung
Air pistol          -  Mg Chuu
Thalsai             -  Nay Myo Aung
Lawngte hai     - Shwe Zin Latt

HTML Comment Box is loading comments...