Syria cozah ralkap pawl cu tapung pawl ih hmun an khuarnak hmunpi Aleppo myo cu ralthuam pi pawl thawn an do bet ruangah an doawknak a sosang deuhdeuh ti theih a si.
Cozah ralkap pawl in tihnisun khalah puahdarh pawl thawn khawpi hmailam an puah rero ih mani sunday ni khalah puakawn theih ding a um ringring lai ko tin mi pakhat in a sim.
Cozah in Aleppo myo pumpi ih do darh theh tum hnak thawn tahthim cun nuamnaiten tapung pawl ih relnak pawl an thenfai rero a bang sawn tin cumipa cun a sim bet.
Syria vuangyi pakhat khal in mani ah khan a zate ih dodarh theh ding tin thu a than. Tapung lakih thureltheinak neitu pakhat cun cozah pawlih anhman mi raldo vanzam pawl,meithal pawl ih an donak dolet ve dingin ramdang ramhnen ihsin tapung pawl ralthuam thawi rak bawm ve hai dingin dilnak an nei.
Khawsung ah cun mipi pawl cu an um lai thotho, sinan motor tum deuh in siseh,te deuh in siseh nitin tlansuak khal an um ringring ko,khawsungah ei-in ding a catlak theh, meisa pawl an catlak theh tin cumi pa thotho cun BBC hnenah Ianpin ramthen ihsin thu a rak than.

HTML Comment Box is loading comments...