July 29, Nitin Van Mana
Saam 49-50, Rom 1


Saam 50:15
Harsatnak a thlen tikah keimah i ko uhla ka lo run hai ding ih, nannih in in thangṭhat ding,” tiah a ti.

Pathian in tuah seh tiah in duhmi amah thawi' kan pehzomawk daan ding cu hihi asi;
1) Harsatnak a thlen tikah amah Pathian ko ding.
-Harsatnak kan ton tikah kan thinlung sungah ziangmi a ra lang hmaisabik? Pathian hi kan ziangkim hrangih rinsantlakbik asi. Buainak kan tonah si maw, sualforhnak kan tonah si maw, kan ti theilomi thil ziangvek kan ton tik khalah kan hrangih rinsantlakbik le bomnak kan dil dingmi cu Pathian asi. Cuti'n tuah dingah Pathian in in duh.
2) Pathian kan thangtthat ding.
-Kan nunnak ah Pathian ih in thlawsuahmi ziangkim hi kan siar thiam ringring a ttul. A thlawsuah kan siar thiamlo tikah riahsiatnak in kan nun in ciim ttheu kha. Pathian ih kutcak kan nunih a langmi le a thilti theinak kan hmuhmi pawl hmuahhmuah kan cinken ringringih amah kan thangtthat ding kha Pathian in in phuut.

"Nan lakah harsatnak a tongtu nan um maw? Nan um a sile thla cam seh. Lungawimi teh nan um maw? Nan um a sile thangṭhatnak hla sak seh." (James 5:13)


Rom (Thuhmaihruai ihsin)
"Khristian zumnak thu le a cuih zumnak thu ruangah Khristian pawl ziangtinso nitin sullam nei in kan nung ding ti kha amah ih theihnak vekin simfiang dingah a nganmi a si."

Rom cakuat vekin kan Chin miphun hrangah cakuat in ngansaktu um sehla kan ttul rori ti'n na ruat ko maw?
Kan biakmi kan Pathian in tuahter in duhmi tuah ding le nunter in duhdaan ih nun ding hi kan tlasam ngaingai asi.
Pumpak na nunnak rak cek hnik aw. Ziangti'n na hmu? Ziangti'n na ruat?

"Kan nitin nunnak ah Khrih ih nuncan ziaza mawi in zirhmi Khristian nun langin leitlun mi hrangah cite bang alnak pekin thleunak si cio uhsi."



Pathian thlawsuahnak na hnen um hram seh!!!
Salai Vanruah.

HTML Comment Box is loading comments...