Juy 18, Nitin Van Mana
Saam 20-22, Dungthluntu 21:1-17


Saam 19:1-2
Van pawl khin Pathian sunlawinak an simih tlolak kaupi cun a kutsuak an langter.
Sun in sun hnenah thu a sim ih, zaan in zan hnenah theihnak a thlenter.

Pathian sersiammi ziangkim hi a sunlawinak an langter. An ttong thiamlo, aw an suah theilo nan.
Vanrangpi khalin a sinak vekin, sun le zaan khalin anmah le tikcu ah Pathian sunlawinak a phuang.

Milai cu sersiammi hmuahhmuah lakah cuanghmuar hleice ih sersiammi kan si.
Kan ttong thei, khua kan ruat thei, khua kan khang thei, hna tampi kan ttuan thei.
-Kan ttongkam in Pathian sunloih uhsi.
-Kan ruahnak in a sunlawizia ruat uhsi.
-Kan khawkhannak ah amah sunloih ding rori si seh.
-Kan hnattuannak ziangkim ah amah sunglawi si seh.


Dung 21:13
Bawipa Jesuh hrangah cun Jerusalem khua sungah ṭeem le ṭawn lawng hman si loin thih ding tiang hman ka tiar a si.

Ka damsung kum 70-80, kan thih hnu kumkhua!
Sunparnak co ding bang sehla damsung maw thihhnu ih co ha na hril sawn?
Paul cun a fiangtuk, a thihhnu ih a co dingmi sunparnak a hril sawn.

Tuisun ah Pathian in a lo hmang duh. Pakhat le pakhat Pathian ih in hman duhdaan a bangaw ciolo ruangah demaw ding le relaw ding khal kan umlo. Curuangah midang va zoh hrih hlah. Nangmah le nangmah zohaw awla,

-Bawipa in tuahter a lo duhmi na theih theinak dingah amah kawmaw, catbanglo'n..
-Tuah dingih a lo fialmi cu na nunnak pek ngam tiang khopin tuah aw, cumi cu na hrangah a thupibik miangmo asi!



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...