Mizan Hnazi 12pm hrawngah Camphai ih sin Aizawl feh, Night Bus cu Keifang Kuari cim in kham ah a nawr tlak.

Keifang kuari cim in bus feh lai, zinthlang lam kham sangtak ah a nawrtlak ih mi nung 18 an thi bak ah, minung 19 in hliam natak an tuar.
Zinpi in Motor thlak nak hi a hmuh theih tuk lo a si.

Bus sungih to hi, minung 40 in a rel, minung 37 lawng hmuh a si. mi dang pa 3 hi khuilam ah an um ti an theih hrih lo.

Hi thih tuar pawl ah kan lam mi, Cicai mi Thian Cawi Par, ( Parte ) cu a tel ve bak ah, a fapa kum 8 mi vel hliam natak a tuar, Sizungah an tuamhlawm ih a har suak ve ten ka nu ka ngai tuk, ka nu khuiah a um ti in a nu a hlam rero.  ka nu a thi ti khal a thei lo ih zangfak a um nasa.


Upa pawl ih sim vek in, Tui hlanah cun kei fang kuari hi, hi ti vek in a cim theu ko nan, mi nung thi leh na tuar an um dah lo,kum 2-3 hrawngin hi kuari ah hin accident, thinak rap thlak tak theih ding, hmuh ding a um tan a si ti in an rim.




Tui zing 3am hrawngah luangmual veng tlangval pathum cu Eden thar veng thlan hlan kham ah an thla ih mi pa 2 an thi, mipakhat hliam natak a tuar.


Famkim tak ih a thei duh tu hrangah LPS report Video in rak zoh aw.

HTML Comment Box is loading comments...