July 19, Nitin Van Mana
Saam 23-25, Dungthluntu 21:18-40


Saam 23:6
Ka nunsung hmuahhmuah ah ṭhatnak le duhdawtnak cun pelh loin i thlun ringring ding. Bawipai' inn ah kumkhua in ka um ding.

Saam 23 hi zumtupawlin kan uar zetmi asi. Sermontu khalin an rel ringring ttheu. Ttha tak asi.
A thu kan zoh asile zumti' nunnakih kan ttulmi thazang cahnakin a khat.

Tuittum ka siarah ka thinlung sungih um zetmi cu cang-6 nak asi.
-Kan harsat caan ah Bawipa'n in umpi lo hmang ka ti pang ttheu, asinan Bawipai' ṭhatnak le duhdawtnak cun pelh loin i thlun ringring. Keimah sawn hin ka rak cohlanglo ttheu.
-Ziangvek dinhmun thleng khal ningla hi leiram hi ka kumkhaw hmun asilo. Ka kumkhaw umnak ding cu Bawipai' inn sawn asi.

Kan nauhak lai ahcun Sunday School tivekah kan zirih ka rak bai-haad nasa. Tuteh zohloin na thiam lai maw?
Na rak hngilh zo asile rak zuam salaw, na ttul caanah na thinlung sungih na khummi in thazang a lo pek ding.

Saam 23.


1 Bawipa cu i khaaltu a si; Sammi zianghman ka nei lo.
2 Tlimno lakah i bawhter ih, A thiangmi tiva kamah i hruai.
3 Ka thazaang a tlunter saal i, I tiam cia vekin lamzin dingah i hruai.
4 A thimmi thihnak horkuam sung zawh hman ningla, Maw Bawipa, ka ṭih lo ding;
Ziangah tile nang cu ka hnenahna um, Na talhtum le na kianghrol in ka hna in ngamter.
5Ka ral pawlih hmuhhngan ah cabuai parah rawl i hun; Ka lu ah hriak i culh ih, Ka khuathai khal a liam thluahthlo.
6 Ka nunsung hmuahhmuah ah, ṭhatnak le duhdawtnak cun, Pelh loin i thlun ringring ding. Bawipai' inn ah kumkhua in ka um ding.



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...