July 16, Nitin Van Mana
Saam 16-17, Dungthluntu 20:1-16


Saam 16:2
Bawipa ih hnenah, “Nangmah cu ka Bawipa na si ih, Nangmah locun ṭhatnak zianghman ka nei lo,” ka ti.

Saam cangantupa lawng asilo, nang le kei khal Bawipa lo cun tthatnak zianghman kan neilo.
Jesuh khalin "Pathian pakhat siarlo mittha dang zohman an umlo." ati. (Luka 18:19)


Milai in tthatnak tuah kan tum le kan sual sinsin, mi tthalo pawl kan hmu deuhdeuh ih kan nautat. Kan puarthau, kan hngalhngawng. Cule ka ttha kan ti-awknak zawn tak kha miih in relsiatnak takah a cang. Cumi cu milai ih tthatnak cu asi.


Asinan ttha theilo kan silo! Mittha si na duh maw?
Pathian pakhat hnen lawngin tthatnak na hawl hmu thei ding.
Amah panaw, a hnenah thlacamaw, a tthatnak in a lo thuam ding.


Bawipa, ka thinlung zate'n na hnenah ka lo hlan...
-Ka thin a tawi tuk, thinsaunak in pekaw.
-Ka hngalih ka puarthau tuk, lungneem le tangdornak in pekaw.
-Ka ruahnak a fiaktuk, thinlung kau i-neihteraw.
-Ka tuahsualmi a tamtuk, tthatnak tuah i-zirhaw.
-Ka santlailo tuk, mi hrangih tthahnemmi i-siteraw.
-Ka thiamlo tuk, fimnak le ruahnak ttha in pek hramaw.
... na thinlung sungih ummi a dang tla beetin hiti'n thlacamaw.


"Na tthatlonak na hmuhsuakawkmi ruangah na thinnau in 'Kei cu zianghman ka silo' timi lungput nei hlah. Satan ih bumnak asi. Na hmuhsuakmi na tthatlonak hmuahhmuah kha Pathian hnenah hlan awla amai' tthatnak in a lo thuam ding."



Pathian thlawsuahnak ..... na hnen um hram seh!!!

HTML Comment Box is loading comments...