July 15, Nitin Van Mana
Saam 13-15, Dungthluntu 19:21-41


Saam 15:5
Hi bangtuk a tuahtu pawl cu an tlu dah lo ding.


Zumtupawl hrangah zumnakah tlulo dingih dinhnget a thupibik.
Satanpa in le kan tluk theinak dingah kan kedil cuk dingin (Semtirnak 3:15) in bawh ringring.

Asinan a tlu theilomi an um, cumi pawl cu a hnuailam vekih a tuahtupawl an si. An tlu theilo dingih hnget zetin an ding ding.

Maw Bawipa, na biakinn ah zoso a lut ding?
Na tlang thianghlim Zion ah zoso a kai ding?
Ziang tinkim ah soisel um loih a nungtu le a dingfel ringringtu,
Thungai le thudik a ruat a reltu;
Midang a relsia lotu,
A rualpi pawl hnenah thil ṭha lo a tuah lo ih,
A innhnen pawl tla a relsia lotu;
Misual pawl zianghman ah a siarlo ih, Bawipa, a ṭihzahtu pawl upatnak a petu,
Ziangtluk a hrangah a nat khalle a thutiam cia vekih a thlun suak ringringtu;
Tangka ṭhang thawn midang a coih lotu le mawh neilo mawhphurter dingah nawhthuh a la lotu pawl an si ding.
"Hi bangtuk a tuahtu pawl cu an tlu dah lo ding."


"Zumnak ah tlulo dingih dinghnget thei dingin Pathian hnenah thazang dilin thlacam cio uh si!"


Pathian thlawsuahnak ..... na hnen um hram seh!!!

HTML Comment Box is loading comments...