Kachin ramthen sungah a cang rero mi doawknak pawl dai theh ding hrang 88 tlawngta pawl leh KIO ho pawl thawn united zalennak hawl suak ding hnatuan pawlkawm pahnih nak hotu sang U Aung Min thawn khal in thu rel khawm nak an rak nei zo.
Kachin ramthen sungih a cang rero mi doawk nak pawl thu ngai ih dai theh ding ih dodal tu pakhat cu khat lam khat lam ralkap pawl zah ngai zet ih thawn awk a si tin 88 tlawngta hotu pakhat a si ve mi Ko Mya Aye in a sim.
Cu mi te hi tifel thei si seh la a dang pawl cu a mah te in lamzin tha a awng aw thei ding tin Ko Mya Aye in zumnak a nei.
Ko Mya Aye leh 88 tlawngta then khat pawl cu kan dung ni mal te liam ah khan KIO hotu pawl a si mi Bogyoke Guanmaw leh U Zalan pawl cu KIO centre umnak Lizar ah va tawn nak an nei ih July ni 10 ni ah khan cun united zalennak hawl suak ding hnatuan pawlkawm pahnih nak hotu sang U Aung Min cu Naypyidaw ah va tawn nak an nei.
An pahnih lam lam in doawk duh nak an nei lo tin Ko Mya Aye in a hmuh daan a sim bet.
Politics buainak ruangih a rang cang mi doawknak pawl cu tidai ding in politics lam thurel khawmnak pawl tuah vivo ding a si thu khal Ko Mya Aye in BBC hnen ah simnak a nei.
Himi doawk nak ih rak tuar ve tu pawl ah nau hak khal an tel cih..

HTML Comment Box is loading comments...