Bogyoke Aung San tel in Azar Ni hotu pawl an tlak theh nak July ni 19 ni Azarni Day ra thleng ding ni mal te lawng a duh lai ah Azarni Day hmang ding in acozah lam in hoha ih puai tuah ding in an tiari cia nak pawl Kawlram sung hmuntam pi ah hmuh thei in a um.
Tuesday ni ih suah mi Myanmar Alin news sungah 1962 kum ih si kum 50 sung an rak phih mi Meikhtila myo ih Azarni lungphun cu ramsung mi hmuah in ngainak pangpar tivek ret thei ding in an remtha rero tin an ngan.
Cuvek thotho in, Kayin ramthen, Paaan myo sung khalah Azarni lungphun cu faitak in a um ih Phungki tlawng ah rawl do nak nei ding in ramthen hotu pawl in an tuah rero lai tin Azarni lungphun kiang kap ti fai nak ih a tel ve tu NLD thalai pakhat in a sim.
A dang pakhat leh,Magway division ih  Taungdwinkyi myo ah Bogyoke lungphun tifai rero a si lai ruangah Azarni day hngilhlonak tuahsian a si ding a bang tin Khawsung mi pkhat in a sim ve.
A hlan ralkap cozah uk lai ah cun Azarni day hrang ti ngai thlak ih tuah hmuh ding a rak um dah lo nan tu ih presedeint U Thein Sein cozah uknak ah tuvek ih Azarni Day hngilhlonak puai cu hotu pawl in hmaihruai in tuah ding dinhmun hmuh theih a si.
kum 65 kim nak

HTML Comment Box is loading comments...