July 12, Nitin Van Mana
Saam 4-6, Dunthluntu 17:16-34


Saam 4:7
Nangmah ih i pekmi lungawinak cu, rawl le Sabit tampi neitu pawl ih lungawinak hnakin a nasa sawn.

Mizanih ka mitonmi pakhat in "Your life is so sad" in rak ti. Amah cu Tuluk mi asiih family value cu nambar-1 rori ih a rettu asi.
-Na nulepa thawn hlatpi ah na um.
-Na hnattuanmi le hlawhman na ngahlo. (Tui' mission hna ka ttuannak "YWAM" hi zohman hlawh nei kan umlo.)

Kei ka timi cu, "Ka rual, a lengah hnattuan sehla ka hlawk zet ding ti'n in ti, kei khalin ka thei ko. Ka nulepa hnenah tlung sehla ka nuam zet ding ti'n na ruat, kei khalin ka ruat ve ko. Asinan Pathian in ttuan in fialmi le in tuahtermi ttuan hnakih ka lungawinak dang a um nawnlo." ti'n.

Leitlun hnattuan cu ttuan tamih thazang a bang le thin a tteu, thin a nau, thazang a derdai sinsin.
Pathian hnattuan cu bang asile thinlung a nuam, hna a ngamih thazang thar a ngah aw sinsin.

"Evan le Pastor pawl lawng hi Pathian hnattuan an si kherkher lo, sibawi kan si-ah maw, zirhtu kan si-ah maw, engineer kan si-ah maw, sumdawng kan si-ah maw, dawrkai kan si-ah maw, ... ziangkim kan tuahnak ah 'Pathian hrangah ka ttuan' timi lungput a neitu pohpoh cu Bawipa riantu an si."

"Bawipa riantu lawngin Bawipa ih a tiam ciami hnangamnak le lungawi ai-puannak tlamtling an co ngah ding."


Dung 17:17
Curuangah Judah mi pawl le Pathian a biatu Grik mi pawl thawn an pumkhawmnak inn sinakok ah thu an el-aw ṭheu; mizapi ton awknak hmun khalah a rami pawl thawn an el-aw ringring.

Paul hi cu ka uar rori ko. Mizapi le amah pakhat lawng Pathian thu ah ttongkam an el-aw.
Hitluk ralttha zetin Jesuh a ttampi ngam ka hmuh tikah keimah le keimah thu ka sutaw awih ka nunnak ka cekaw nasa.

"Khrih ka zumnak hi mipi lakah teh ka dinpi ngam kem? Dodaltu tampi lakah tlulo in ka dinpi ngam kem?"

Thusuhawknak rak tuahaw ve hnik awla na ttulmi thazang Pathian hnenah dilaw.



Pathian thlawsuahnak ..... na hnen um hram seh!!!
Salai Vanruah.

HTML Comment Box is loading comments...