Kawlram thlanglam, Rakhine state-ih Muslim leh Buddhist pawl kerlak buainak suak ah mi 7 an thih zo ruangah President Thein Sein-in emergency thu a puang, Hi state-ah kan dunglam ih Buddhist nunau pakhat cu an sualpi hnu thlah sal a si ih. Hi mi ruangah an lungawi lo ih Muslim pawl tonak Bus an urkang ih, Bus an urkang hnuah buainak a tam vivo ti in a sim. 

Hi biaknak pahnih kerlak buainak suak hi, Umnak inn leh thilri tamtak ti siat a si zo ruangah  President Thein Sein cun emergency thu a sim, Hi sehvel  thuneih nak cu ralkap pawl kutsungah a ret,
Buainak suak kil dingin ralkap pawl thupek a si bakah hi hmun leh cozah hmun poimawh dangpawl khal tu hnak in an kil tha thlang a si.

President Thein Sein cun, hi buainak ruangih mipi thlan cozah tuah a tumnak khal, duh ai in, a tlai thei ding ti a sim ih, Hnam leh sakhua nak thuah buainak, huatawk nak  a suak cu poi a ti thu leh phuba lak duhnak thinlung kan nei lo ih khat leh khat remaw tei kan um khawm ding hi kan ram kan mi phun thansoh nak ding pakhat a si a ti.. Tui tumih Biaknak pahnih buainak hmunah a tamsawn cu Buddhist an si nan in, Muslim Biaknak , Rohingya hnam khal tam tak an um ih, Kawlram cozah cun  Rohingya pawl hi Bangladesh i sin ra lutthup ti ih a ngairuangah um khawmnak hmuh bik khal an nei lo ti in a sim.

HTML Comment Box is loading comments...