US-ih state dangdang ram kang ruangah Mi 1,800 velin an umnak hmuh leh ram suahsan in hmun hmin lam an pan.
Colorado, New Mexico, Utah leh Wyoming-ih ram kang hi kangthelh khal in thelh tumin a theitawk a beinasa nan in, thli hrang a nat tuk ruangah ram kang hi a kang cak nasa ih, Colorado-kiangkap ram khal mani ah km 57 bial a kang hman a si.

New Mexico state saklam, Ruidoso-ah khal kangmei suak in ram km 104 bial a kang siat theh ih,  New Mexico State Forestry Division hruaitu pawl cun kangmei suaknak hi minung um nak kiangkap a si ruangah harsatnak tam tak a thleng ti an rel.  Utah-ah khal hmun hnih ah ram a kang. Wyoming-ah khal km 15 bial a kan avangih  nipi cawl hmangih Guernsey state Park-ih um pawl cu a ranglam ih thiarsuak aw dingin an sim.

HTML Comment Box is loading comments...