Tuluk leh Kawlram ritawknak sumpai hawl nak ih hmun tha zet pakhat Muse ah June ni 9 ni, zan lai dir fang ah bomb panga a zawn in a puah thu a kiang nai um pawl in an sim.

“Zan nazi 11 hrawng ih sin nazi 12 tiang pakhat te te in a puak rero, Muse lam zin pi tluan ih zin sir leh hnawmbawm pawl ih sin an puak ih a neta bik a ra puah nak cu ဒုသမၼတေဒါက္တာဆိုင္းေမာင္ခမ္းhmuan sir ih hnawmbawm ah a puak” tin Muse mi sumdawng pakhat in a sim.

Himi a puah caan hi mi vak um lem lo ih tuahmawh  leh hliam aw tla an um lo nan a awn a ring tuk ruangah an thin phang zet ti a si.

Kan dung May thla cem zawng ah Muse-Lashio lam zin par ah truck pathum hriamhrei keng mi pawl in bomb an rak puah ruang ah truck pawl tutiang zan ah an suak ngam nawn lo.

Cu lawng si lo, April thlathawk ah Muse ih um check gate pakhat ah bomb a puak ih Lah-wah-kah hotu pakhat a thih phah.