"Sunglawi ka Pa" 

Tihphan in ka um caanle
Harsat nak ka ton caan ah
Na taang hlumte sung ih
Inpom incawi ttheu ih
Hnangam zet ih
In umsal ter theu tu ka Pa
Ka hrangah a sunglawi na "ttaang hlum" te

Damlo zet in ka um laicaan ah
Duhdawt nak le zaangfah  nak thawn
Ka hrang thla in cam sak tu
Ka Pa "na tthlacam au aw" cu sunglawi hleice ka hrang
Hngilh siang hlang e na fanu in

Mithli luang ih ka ttah lai caan ah
In hnem ih a luangmi ka mitthli
In hnul sak ttheu nak
A hrap zet mi "Na Kut" kha
Ka hrangah cun sunglawi zetmi "Ka Pa'i Kut" ka ti mi cu asi

Rethei harsa laikhua te um
Lorian ram pan in
Thlanhri suak in hna na tuan ih
Inlam na tlun caan ih
A for thluahthlo mi
Na thlan rimhnam te khi
Ka hrang ah cun ka hngilh thei lomi
Sunglawi zet mi "ka Pa'i thlan rim nam" te ka ti mi asi

Nang thawn peng Kul hluan li (24 Miles)
Kum hlei hnih (12 years old)
Na fanu in fehpi suun kha
Mawtaw tonak ding neilo lawmmam kan silo ti'n
Ka lo hua em dah nan
Cuih ni kha ka hrang hngilh thei lo mi
Nang thawn "Peng24 khual kan tlawng sun ni sunglawi zet"
Kan hman ni arak si sal

Ka mawh caan ah nun in sim nak le
Ka tipalh pang caan ah
Ngai dam nak thawn khat in
Nun in sim nak "ttong kaa" pawl cu
Ka hrang tuisun ni tiang
Ka kaihnget mi
Ka nun lam hruai tu
Asunglawi mi nunsim nak
"Ttongkaa" a rak si e

Tu ahcun Ka Pa
 Nang cu ka hrang ah
sunglawi zetmi ka Nu khal na si ih
Rinsan tlak mi Ka Pa khal na si hrih
ka hrang suun ih "Ni engmawi" bang le
Zaan ih "Si-ar tleu mawi" bang
Duhdawt nak nei tu
"sunglawi ka Pa " nang na si

Na duhdawt nak cu
A thuuk in a sunglawi hlei ce
Na Fa ka si hi
Ka sunlawi nak Pa khat a sive ih
Ka Pa si ding in
Na Fanu ah in can tertu
Cung Pathian hnen "Sunglawi ka Pa Fanu in si ter ruang ah"
ti'n lungawi thu ka sim asi

Sunglawi ka Pa
Ka hrang na sunglawi
Na nunkhua sau vivo hram seh!

By-Mai Dim Leen Sung(Ma Sung)

HTML Comment Box is loading comments...