Duhdawttu Papa

Manglian Papa
Cawihrin hrangah na sunglawi tuk e
Nangmah lo in kan um thei si lo
Inn sungsang cawmtu,in kaihruai tu
Hi lei ih Pathian te na si

Fur, ṭhal,thlatang ti um lo
Miphun danglak ah,an ṭong thiam lo thei lo in le
Ningzak tuar phah in,innsang hrang ruatah sumsaw na hawl
Manglian Papa na duhdawtnak a va thuk em

Inn hlum hman luah lo
Harsatnak phunkim tuar in
Sur le sa’ lak ah,A luang na thlanhri
Na duhdawtnak sam thei laini um ding maw?

Riahsia thlaphang ih um ding I siang lo
Ka hrang fimnak I leisak tu Papa
A mai’ hrangih a siang lo mi thil khal
Ui lo ih in petu Papa,na duhdawtnak ka hrang a thlum hlei ce

Pi pu’n rak sim hai, Nu thlum Pa al
Fanau hrangah cite bang na si
Kan ruun inn ah na keneh a mawi
Sunglawi hleice manglian Papa na duhdawtnak
Cung Pathian in mal lo sawm hram seh

Franklin Luaite

HTML Comment Box is loading comments...