Ka Pai  Dawtnak

Nisa leh rialruah hman na ngaihsak lo
Lo rian tuan in fa le i cawm
I zoh pitling ..duhsaknak thawn
Na duhdawtnak a thuk cuang E

Ni tin kan sung ei ding tilrah
Hruh ding hni puan tlasam lo ten
I kilkhawi theu tu ka pa aw.....
Na duhdawtnak  a mak cuang E

Kan um nak ding ruun inn na sak
Na thlanhri cu runva a tia
Phunzai lo ten na tuar tento
Na duhdawtnak a sang cuang E

Fahniang zonzaih siang lo theu tu
Ka pa ...Pacang tha tak na si
Nun i sim nak zar ah mi fel ka si
Ka pai dawtnak  sam thei ka mawi lo





By : Hoi Lo Par..

HTML Comment Box is loading comments...