American ram sungih zukmi Islam biaknak hmuhsuamnak a si tiih an ruahmi an prophet Mohammad ih film thuhla ah zarhkhat sung rei zinzawhnak nei dingin Lebanon ih Hezbollah raltho hotu in thu a rak cah zo.
            Himi thuhla ah an thinheng ngaingai ti leitlun pumpi ih mipi hmuahhmuah hnenah hmuhter a tul tiin Hassan Nasrallah in a sim.
            Mani sun(16,9,2012,Sunday) tuan hrawng khalah Denmark ih Copenhagen khawpi leh Netherland ih Amsterdam khawpi pawl khalah American ambassador zung lenglam ah a za telin Muslim pawl in lungawilo langternak zin an zawh rero a si.
            Pakistan ram Karachi khawpi ih American ambassador zung hmai zinzawhnak ahcun palik pawl thawi buainak a suakih zinzawhtu mi pakhat cu a thi ngah tiin thu theih a si.
Hezbollah hotu Hassan Nasrallah.

Tuluk ram ni suahnak lam Kiqian state,Tiqi myo Zhen timi hnatuan tu ih taksa sungah khawl siat ruangah thir zum pawl a taksa sung ah a phun aw. A mah hi lilawn thar tuah nak hmun sungah hna a tuan lai ah thir zum pawl thun mi thil herhnak khawl pakhat a rak that tawk lo ruang ih cak zet in thirzum pawl cu an ra zam suak ih a taksa sung ih ra bur lut aw a si. Mii tat pawl cun a zang ih bur aw mi thirzum pawl hi tan sak in sii zung ah an feh pi. Hi thir zum pawl hi a dung zang vorhlam ih si a kehlam liang ah an hun sun tlang nan mak zet in a mah cu a thi lo.Tu ah cun a taksa sung ih thirzum pawl cu phorhsuak sak theh zo a si nan tha tak ten enkawl rero a si ih a mah cu a dam cak nasa ti a si.