THEIHTIRNAK
LAWRKHAWM
Home » Posts filed under Article
Miphun Annka le Tuanvo
Posted in
Friday, 7 September 2012|
CHIN SANTILUAN
Miphun Annka le Tuanvo
Miphun pakhat sidingcun tong(annka)neih a tul.Cui tong a um lawngah miphun(hnam)langter tu a si.Kan chinmi sungin tong hmanlaimi phun53 lenglo a ummi sungin kanrampi (Burma)in chin Radio ah falam pengsungih kan hmanmi “Lai tong” in rampi singum phunhnam (taingyinta) pa 7 lakah caan a rak hmang ve.
Miphun pakhat sidingcun tong(annka)neih a tul.Cui tong a um lawngah miphun(hnam)langter tu a si.Kan chinmi sungin tong hmanlaimi phun53 lenglo a ummi sungin kanrampi (Burma)in chin Radio ah falam pengsungih kan hmanmi “Lai tong” in rampi singum phunhnam (taingyinta) pa 7 lakah caan a rak hmang ve.
Kan burma rampi sung phunhnam 7 lakah kan chinmi in tong kan nei tam bik.Tong neitam lam ahcun mi-ih banglo mi kan si. Mi hrekkhat mi “kan chinmmi cu tong kan nei tamtukih common language kanneih lo ahcun lungrual le thangso a theih lo ding”an ti. Khatlam ih zohah cun a dikzet konan commom language neihding thu relmen hmanih kan thek-darh awk theh aicun kan feh dan kel tenin lungrual thei kan zuam a tha sawn ding. “pangpar hmuam sungih parkhat lawng a parlen a mawinak a fimkim lovekin par tampi a par len a mawinak a famkim.” tiih kan ruah thiam len atha sawn ding.
Tui kan tullai micu kan ramtha neihsun lairam a hninghno salding le ramlian a si ding,a minung kan thangso dinghi kan tul sam zet laimi a si. Cumi cangsuak theiding ahcun kan Laimi in rampi thuneih nakleh hruaikai awknak sungah kan tel thei ding a thupi zet. Kan rampi khal ralkap kut hnuai ihsin democracy lamthar ah in hruai kai rero thlang. Ahlanih covo kan ngah thei lo le in pek duh lo mi rampi lai rel nakah tel thei dinghmun kan thleng thlang. lairam kan mipi tuini tiang kan farah nak le mi kan bang thei lo nak kal hi zo ih mawh hman a si lo kan ram uk awk dan ih mawh bik a si.
A hlan ralkap cozah sanlaiih kan laimi zungsang thleng umsun khal ralkap ih retmi dinhmun sang-ngah ansiruangah ralkap ih duhmi lawng an tuan theiih lairam hrangih tuan ding an ngam lo.Tuahcun kanlai mipiin kan lai pacangtha rampi uk-awknakih covo ngahthei dingin kan duhmi kan hrilthei zo.
Zovek mikhal a mah aduhdawktu ih a hriltu (vote a petu) hrang hna atuan dinghi democracy fehdan le a tuanvo a si. Ralkap cozah sanlaiih kan laimi zungsang kai theitu in zungsang thlengdingih a rettu ralkap hrangih hnatuan dingkha atuanvo asivekin kan laimipi ih kan hriltlinmi cun kan laimi le ramhrang hna a tuan dinghi a tuanvo tumbik asi. Kan rampi in tuahsak mi hrilawknak ah kan caantha kan hmang thiamlo asilen hmailamah kanmah inriahsiat tertuah a cang leh pang ding. Lairam hrangahcun Laimi lawngin thangsonak a tuah thei.
Kan semnak kan lairam te hi Ram mawi le Ramlian a si theidingcun kanmah rori in hram kan thoklo asilen zo hnamdang hmanin intuahsak hrimhrim lo ding. A rei hlanah kan laitlangram hi laimi kan zaten hrangah kan himnak le kan zalennak hmuan nuamah a cang sal leh ding.
By ; Sdaite
Tui kan tullai micu kan ramtha neihsun lairam a hninghno salding le ramlian a si ding,a minung kan thangso dinghi kan tul sam zet laimi a si. Cumi cangsuak theiding ahcun kan Laimi in rampi thuneih nakleh hruaikai awknak sungah kan tel thei ding a thupi zet. Kan rampi khal ralkap kut hnuai ihsin democracy lamthar ah in hruai kai rero thlang. Ahlanih covo kan ngah thei lo le in pek duh lo mi rampi lai rel nakah tel thei dinghmun kan thleng thlang. lairam kan mipi tuini tiang kan farah nak le mi kan bang thei lo nak kal hi zo ih mawh hman a si lo kan ram uk awk dan ih mawh bik a si.
A hlan ralkap cozah sanlaiih kan laimi zungsang thleng umsun khal ralkap ih retmi dinhmun sang-ngah ansiruangah ralkap ih duhmi lawng an tuan theiih lairam hrangih tuan ding an ngam lo.Tuahcun kanlai mipiin kan lai pacangtha rampi uk-awknakih covo ngahthei dingin kan duhmi kan hrilthei zo.
Zovek mikhal a mah aduhdawktu ih a hriltu (vote a petu) hrang hna atuan dinghi democracy fehdan le a tuanvo a si. Ralkap cozah sanlaiih kan laimi zungsang kai theitu in zungsang thlengdingih a rettu ralkap hrangih hnatuan dingkha atuanvo asivekin kan laimipi ih kan hriltlinmi cun kan laimi le ramhrang hna a tuan dinghi a tuanvo tumbik asi. Kan rampi in tuahsak mi hrilawknak ah kan caantha kan hmang thiamlo asilen hmailamah kanmah inriahsiat tertuah a cang leh pang ding. Lairam hrangahcun Laimi lawngin thangsonak a tuah thei.
Kan semnak kan lairam te hi Ram mawi le Ramlian a si theidingcun kanmah rori in hram kan thoklo asilen zo hnamdang hmanin intuahsak hrimhrim lo ding. A rei hlanah kan laitlangram hi laimi kan zaten hrangah kan himnak le kan zalennak hmuan nuamah a cang sal leh ding.
By ; Sdaite
Kan duh leh duh lo si lo in, a cang theu thil ..
Na duh lo mi lo nei ter(coter) seh la ziang tin na um ding? Na lungawi in ka khir ciamco pei maw? Thin nuam leh aipuang in na um pei maw? Mai duh mi si lo ih mai co mi ih lungawi ringring hi thil awl lo leh duhum tuk lo thil pakhat a si ve. Sinan milai kan si sungah hin cun kan duh mi kan ngah ring ring lo ding ih kan duh lemlo mi sawn khal kan ngah phah ringring fawn theu si.
Ziang kan tuah tuan nak khal ah kan tuah mipar ah a tha bik in kan tuah ngah kan ti caan khal ah hlawhtlin nak kan ngah theh lo ih cu ai hnak hman in kan rin lo mi sawn sunnak tla kan ngah cang a tam theu. Kan thil tuah mi kan tuah ngah ngai ngai lo teh a si pei maw? Cu lo len kan ralring tawk lo teh a si thei pei maw? Sinan, kan tuah theh lai ah cun a dik, a tawk kan ti theu ko ding. Kan mai ruah nak lawng ih tha pi tling lawng a rak si sawn men thei. Kan tuah mi hi theifiang in ngam zet in tuah seh la teh kan hlawhtling deuh pei maw?
Sumdawng tam pi khal an dawn pek ah a hlawhtling tla tam pi an um vek in hlawh tling lo khal tam pi an um ve lala. Vei tam an hlawh tlin hnu khal ah hlawhtlin lo caan an nei ve thotho. An hlawhtlin lo rero hnu khal ah hlawh tlin nak an tawng theu lala. Leitlun a hlum ih a her aw rero ih curuangah hlawh tlin caan leh hlawh tlin lo caan khal a her aw ve rero ti capoh ih an rak ti theu mi tla thu ngai a bang zik te lam. Hlawh tlin hi kan zate ih kan duh mi a si nan hlawh tlin ringring cu a theih lo ding ih sun ringring khal a theih cuang lo. Sumdawng tam pi cu an thil ri dawr hlan ah an lak ding mi thil ri rak luck zet hman seh la an hun dawr aw theh ih an hun pek suak zawng ih a lei tu ding in an rak duh nawn lo cun sun lawng a tang thlang si ko. An lak lai ih luck zet an pek suah zawng khal ih mi duh zet lai mi a si ah cun hlawhtlin nak cu a si ve ta mai.
Bazaar ih aanhnah aanrah zuar tu khal in sung leh hlawk an nei ve thotho. Khawng that ni cu hlawk ni a si mai ih khawng theilo ni cu sunni a si ta mai. An duh maw duh lo maw ti lam si lo in a lei tu ih an lei leh lei lo, an khawng tam leh khawng tam lo ih zir in an sung tam ding maw an hlawk tam ding ti a si ta ko. Khawng tam ih miat tam pi ngah ding cu thil zuar tu zate ih duhthu sam a si ta miau. Sinan khawng ring ring a thei loh ih sun cang miat cang cu bang aw lo zet ih an tawn ding mi thil pakhat a si.
Company nei tu pawl khal sung ti mi an tawn lo nak ding in zuam thei tawk in an zuam theu na cing in an neih mi company tiang zuar sal tiang a tuar tu mi tam an um thotho. A company ih tuantu pawl in ziang ti vek khla in zuam rero khal seh la an thang so thei ring ring lo ih an sun cang cu a um thei thotho. Zuam rero si ih hlawh tlin nak ngah cuang lo khal a cang thei mi thil pa khat a si. A sung ih hngatuan tu pawl ih hlawh man pe thei lo hman tam pi an um ko.
Kan hlawhtlin thei nak ding ah ziang ha kan tuah len a tha bik ding? ti thu suh nak hi cu a phi pek ding a um ding nan a har zet ding. Curuangah, kan tuah ding mi ah kan theih fiang ih kan thiam nal zet a tha bik ding a zum um. A cipciar in thei, thiam theh sehla teh hlawhtlin nak kan ngah awl deuh pei maw? Kan tuah ngai ngai tik ah thiam mi hmuah hmuah, theih nak hmuah hmuah, thazang hmuah hmuah kan neih mi in teh tuan seh la a tha deuh pei maw? Mi thik nak nei tuk lo seh la cu ai ah kan hnak ih thiam mi pawl ih hnatuan daan leh an ti daan hi zingzawi in zir seh la teh a tha sawn pei maw? Mah le mah tha bik in ret aw lo in mi aan ngai thiam seh la teh a fuh sawn pei maw?
Hlawh tlin nak kan tawn ah kan lung a awi thei tuk nan, riahsiat nak lole sunnak kan tawn caan ah kan tuar thiam lo hi kan mah kan tuah mi rah kan ei kan ti thei ve ko ding lo maw? Sunnak kan deuh lo nan kan hlawh tlin lo caan ah tuar daan thiam thei seh la kan mah hrang sunnah lak ih hlawk nak pakhat te kan ngah thei mi thi a si. A har, a awl lo nan kan riahsiat caan ah kan sunnak hram pi theih fiang tum in hawl sal thiam seh la than so nak in pe thei ding tla a zum um. Hlawk nakkan tawn tik khal ah cu mi kil him ring ring daan ding kan thiam khal a tul tuk ding..
Lungawi...
Salai H.Lun..
Ziang kan tuah tuan nak khal ah kan tuah mipar ah a tha bik in kan tuah ngah kan ti caan khal ah hlawhtlin nak kan ngah theh lo ih cu ai hnak hman in kan rin lo mi sawn sunnak tla kan ngah cang a tam theu. Kan thil tuah mi kan tuah ngah ngai ngai lo teh a si pei maw? Cu lo len kan ralring tawk lo teh a si thei pei maw? Sinan, kan tuah theh lai ah cun a dik, a tawk kan ti theu ko ding. Kan mai ruah nak lawng ih tha pi tling lawng a rak si sawn men thei. Kan tuah mi hi theifiang in ngam zet in tuah seh la teh kan hlawhtling deuh pei maw?
Sumdawng tam pi khal an dawn pek ah a hlawhtling tla tam pi an um vek in hlawh tling lo khal tam pi an um ve lala. Vei tam an hlawh tlin hnu khal ah hlawhtlin lo caan an nei ve thotho. An hlawhtlin lo rero hnu khal ah hlawh tlin nak an tawng theu lala. Leitlun a hlum ih a her aw rero ih curuangah hlawh tlin caan leh hlawh tlin lo caan khal a her aw ve rero ti capoh ih an rak ti theu mi tla thu ngai a bang zik te lam. Hlawh tlin hi kan zate ih kan duh mi a si nan hlawh tlin ringring cu a theih lo ding ih sun ringring khal a theih cuang lo. Sumdawng tam pi cu an thil ri dawr hlan ah an lak ding mi thil ri rak luck zet hman seh la an hun dawr aw theh ih an hun pek suak zawng ih a lei tu ding in an rak duh nawn lo cun sun lawng a tang thlang si ko. An lak lai ih luck zet an pek suah zawng khal ih mi duh zet lai mi a si ah cun hlawhtlin nak cu a si ve ta mai.
Bazaar ih aanhnah aanrah zuar tu khal in sung leh hlawk an nei ve thotho. Khawng that ni cu hlawk ni a si mai ih khawng theilo ni cu sunni a si ta mai. An duh maw duh lo maw ti lam si lo in a lei tu ih an lei leh lei lo, an khawng tam leh khawng tam lo ih zir in an sung tam ding maw an hlawk tam ding ti a si ta ko. Khawng tam ih miat tam pi ngah ding cu thil zuar tu zate ih duhthu sam a si ta miau. Sinan khawng ring ring a thei loh ih sun cang miat cang cu bang aw lo zet ih an tawn ding mi thil pakhat a si.
Company nei tu pawl khal sung ti mi an tawn lo nak ding in zuam thei tawk in an zuam theu na cing in an neih mi company tiang zuar sal tiang a tuar tu mi tam an um thotho. A company ih tuantu pawl in ziang ti vek khla in zuam rero khal seh la an thang so thei ring ring lo ih an sun cang cu a um thei thotho. Zuam rero si ih hlawh tlin nak ngah cuang lo khal a cang thei mi thil pa khat a si. A sung ih hngatuan tu pawl ih hlawh man pe thei lo hman tam pi an um ko.
Kan hlawhtlin thei nak ding ah ziang ha kan tuah len a tha bik ding? ti thu suh nak hi cu a phi pek ding a um ding nan a har zet ding. Curuangah, kan tuah ding mi ah kan theih fiang ih kan thiam nal zet a tha bik ding a zum um. A cipciar in thei, thiam theh sehla teh hlawhtlin nak kan ngah awl deuh pei maw? Kan tuah ngai ngai tik ah thiam mi hmuah hmuah, theih nak hmuah hmuah, thazang hmuah hmuah kan neih mi in teh tuan seh la a tha deuh pei maw? Mi thik nak nei tuk lo seh la cu ai ah kan hnak ih thiam mi pawl ih hnatuan daan leh an ti daan hi zingzawi in zir seh la teh a tha sawn pei maw? Mah le mah tha bik in ret aw lo in mi aan ngai thiam seh la teh a fuh sawn pei maw?
Hlawh tlin nak kan tawn ah kan lung a awi thei tuk nan, riahsiat nak lole sunnak kan tawn caan ah kan tuar thiam lo hi kan mah kan tuah mi rah kan ei kan ti thei ve ko ding lo maw? Sunnak kan deuh lo nan kan hlawh tlin lo caan ah tuar daan thiam thei seh la kan mah hrang sunnah lak ih hlawk nak pakhat te kan ngah thei mi thi a si. A har, a awl lo nan kan riahsiat caan ah kan sunnak hram pi theih fiang tum in hawl sal thiam seh la than so nak in pe thei ding tla a zum um. Hlawk nakkan tawn tik khal ah cu mi kil him ring ring daan ding kan thiam khal a tul tuk ding..
Lungawi...
Salai H.Lun..
Ka Pa Na Nunkhua Sau Hram Seh..
Ka Pa Na Nunkhua Sau Hram Seh..
Tui sun ni leitlun mi tam pi ih kan hngakhlapbik ni a
hleice in Papawl
ni a si .. A Hmaisa bik ah Pa pawl ni ahung suah dan ka run rel
ding..Pa pawl ni an hmanhlan kum 42 1872 ah khan nu pawl ni cu ..Julia
Ward Home ih tawlrelnak in an rak hmangzo nan, mi theihpit le mi
ngaihsak an rak hlawh lem lo..Nu pawl kan sunlawih le upat vekin ,
papawl khal sunlawih le upat tlak an sizia le tuanvo a tumzia kan
hmu.veikhat cu America nu Ms.Sonara Smart Dood cu ‘nu pawl ni’ an
hamnank Biakinn ah a va khawmve ..cann neitu in nui duhdawtnak kha
thuk zet le thiamzet ih a vawn sim ciamco kha a theih tikah Dood ih
thinlung sung ah thupakhat a hung suak
Dood hi a nauhak laiah a nu in a thihsan ih , nui duhdawtnak theiman
lo a rak si ..A nui thih hnuah a pa in a duhdawtzet le duatzet in a
rak cawm pitling. Caan neitu ih nui duhdawtnak a reltik ah a pa ih a
duhdawt dan kha a vun ruatsuak ve ih , “ Pa Pawl Ni” din duhnak
thinlung fimte a vun neive..Hi ni hi “Pa Pawl Ni” suahnak ding ih
ruahnak tha a suah ni asi..Dood ih Pa hi June thlaih suak a si ruang
ah 1910 June 19 cawlhni sun ah a veikhatnak “Pa PawlNi” cu hman asi
..Spoken, Washington le khaw dangdang ah a mah Dood rori in awnnak
puai a tuah.Cui ni ih sin “Pa Pawl Ni” cu June cawlh3 nak ah hmagndign
in Ram uktu 36 nak Richard Milhous Nixon in “Pa Pawl Ni” cu
sunglawizet ih hmagnding in a ram ah thu athan ve a si … Cutin leitlun
pumpi a darh vivo.Kan pa le pawlih in duhdawtnak hi Dood a pa ih a
duhdawtnak hnakin a malce cuang lo…
“Pa Pawl Ni” a dinnak sullam cu pa cu a dinhmun sunlawizia le upattlak
a si zia ..insang nupi fanau kilkhawinak ih a tuanvo a tumzia a
theihfiang a tul tile , nupi fate khalin Pa ih kilhimnak le
tuamhlawmank ah an sunlawih le upat thiam a tul ti hi asi ……Pakhalin a
dinhmun le tuanvo a theih a tul zia le nupi fanau khal in insang pa
bik thunun dan thiam a sunlawizia ..an upat le tihzah thiam a tul thu
hi asi ……..
kan sentet lai ih kan theih mi kan pa cu mi cak bik a si kha .. rual
le pi thawn kan thawh awk ti vek hman ah ka pa hnen ah ka lo sim ding
kan ti theu ..ziang kim ti thei tu ti in kan ruat theu ... Pa pawl hi
cu ziang vek zawng ih vun thlir khal ah sunloih cu an phu ve hrimhrim
.. kan khristian dan le dun thawn khal a milaw ruang ah kohhran in pa
sunloih ni hi a hmang ve...nau hak pawl cun Pathian an hmuh thei lo
ruang ah an lei taksa ih an kiangnai bik ih um an pa cu papa ti in an
ko theu cu mi ih sin Pahtian thawn kan pehzawm aw ti cu hteih fiang a
si ..Pathian khal le pa sunloih hi cu a rak ruat cia mi a si ih kan
nih milai pawl hin kan rak hmang tlai sawn a si lam si hih...
Pai um nak ah cun innsang a um...Pa cu innsang ih lubik an si ..Pa cu
zo vek te an si khal le sunloih le upat ding a si Pa sunloih upat hi
Pathian ih duhzawng a sivek in thlasuah dawnnak khal a si ...kan lai
thufim ah cun " Pa um lo nak inn cu Luangpi tel lo inn vek a si " ti
in a um ..a um zia cu ziang tluk ih innropi sak tum khal awla Luangpi
a tel lo ah cun innpi a tling lo .cu vek in Pa um lo nak inn cu luang
pi um lo nak inn pi vek a si ih a nuam khal a nuam lo innsungsang khal
kan hlim thei lo ...
" Pa Al < NU Thlum " ti mi thufim khal kan rak nei a sullam cu
..ziangvek rawl hmeh kan timtuah khal ah a al ter tu ci te tel lo ah
hi cun athaw thei lo cu vek in Pa um nak innsang cu innsang a tling
thei lo ..
" Pa A thih cun kum 3 a deih " an ti ...a umzia cu cerhleh sal a har
ngaingai ti nak asi ....
" Pai rilrawn cun loram a kuah ih nui rilrawn cun rawl ben an len " ti
mi tong fim khal a um a um zia cu pa cu nisa ruahsur ngaihsak lo ten
fa le hrang ah sum le saw a hawl ni tin ei ding tilrah hruhding hni
puan tla sam lo ding in har sat a tuar ...cu tluk ih in duhdawttu kan
pa rori sunloih hna kan thiam lo ding maw Paul cun mah hring tu pa
sunloih cang thei lo tu cu zum tu si hmanseh lazum lo tu ai in an sual
sawn a ti ...na pa kha a dam lai ah upat la na san a sau ding ih na
lamzin a tlaung ding....
A fa le hrang ih thihnak kotlang ih ding phah cing ih in duhdawt tu
kan pa hi sunloih thiam a va thupi em .. kan lei tak sa ih kan pa cu
sunloih thiam athupingai ngai ... an thih hnu ih mithli for khat ai in
an dam lai ih ngaihsak thiam hi a duhum sawn ... Pa cu kan lei Pathian
rori an si... Pai thuawih cu thlasuah dawn nak asi ....
Judah miphun pawl cu zingpit an thawh tik ah an nule pa ih kuh an fawh
sak hmai sa ih cu theh hnu ah a pa ih thupek cu an ngai ... Greek
miphun pawl cu an pa , an pu , an pusin tiang an thih hnu khal ah
cibai an buk ringring cu mi cu Paul in khal tha a ti zet ..hmanseh
Bawipa nan Pathian hmin in na nu le na pa cu u pat aw a ti ...Pa cu
Pathian aiawh tu an si vek in puithiam khal an si ...
Fanu Fapa cathiam sang zetzetnei hman seh la pa um lo nak innsang cu
mi zoh ah cun nuhmei dinhmun ah an thleng leh mai a si ..Sabit ti ri
tuk ruang ih lawngfah kheh ih a it tu Noah cu a fapa Ham in a hmuh
suam ....Pa hmuhsuam tu Ham ih canvocu camsiat tuar le a u le nau pawl
ih sal ah a cang ta mai a si kha....
Pa cu ziang vek te an si khal le upat ding ... hi mi tiat a lo thlen
tu na pa kha hmuhsuam aw hlah ..na pa um lo sehla cu na seem lo
ding...ziang tluk in mifim ca thiam na si khal le na pa kha hmuhsuam
aw hlah ..Fa nu fapa tak sa tha zetzet si hman aw la ka pa nang ra
cawl hrih aw kei mah ka tuan ding ti hna a htiam lo tu cu zo hman in
an ngai na lo....
kan sentet lai ih kan pa kha cu ziang kim ti thei mi cak bik a si ih
kan hung pi tling vivo ih mah le tawk cio in thu kan run neih tik ah
ka pa hi cu a aa tuk a tar tuk zo ih ruahnak khal a nei nawn lo kan ti
mei theu ..hmanseh khua a hung rei ah cun ka pa kha aw um lai sehla cu
ruahnak thatha in pe ding si khawh kan ti sal mei theu ......
Cui ruang ah kan nu le kan pa hi an dam lai ih ngaihsak htiam apawi
mawh an dam lai ih na duhdawt lo ah si ah cun vansiat nak cun na hmai
in a lo hmuak ding ih na sirawk ah van sang na lam lai ding... nau hak
lai ih sin in cawm tu kan pa rori kha upat tlak an si ..nu le pa
thuawih hi Pathian ih duhzawng a si bang tuk in thlasuahdawn nak ledam
sau nak khal a si ..pa ih tongkam kam khat hin huham a nei zet in ka
hmu ...pai lung awi ter thiam tu cu thalsuah an dawngding ..na pa cu
na kiang nai te ih um a si lo hman ah fawn ti vek in fawn aw la na
ngai zia le na duhdawt zia fiang ten sim aw ziang tluk in a lungawi
ding na pa cu pai lungawi ter thaim theu tu fa cu malsawm an dawng
...kan nih khal pa le lungawi ter thiam tu fa kan si thei nak ding ah
na sa zet in kan zuam cio pei .....
duhsak nak thawn....Hoi Lo Par .
ni a si .. A Hmaisa bik ah Pa pawl ni ahung suah dan ka run rel
ding..Pa pawl ni an hmanhlan kum 42 1872 ah khan nu pawl ni cu ..Julia
Ward Home ih tawlrelnak in an rak hmangzo nan, mi theihpit le mi
ngaihsak an rak hlawh lem lo..Nu pawl kan sunlawih le upat vekin ,
papawl khal sunlawih le upat tlak an sizia le tuanvo a tumzia kan
hmu.veikhat cu America nu Ms.Sonara Smart Dood cu ‘nu pawl ni’ an
hamnank Biakinn ah a va khawmve ..cann neitu in nui duhdawtnak kha
thuk zet le thiamzet ih a vawn sim ciamco kha a theih tikah Dood ih
thinlung sung ah thupakhat a hung suak
Dood hi a nauhak laiah a nu in a thihsan ih , nui duhdawtnak theiman
lo a rak si ..A nui thih hnuah a pa in a duhdawtzet le duatzet in a
rak cawm pitling. Caan neitu ih nui duhdawtnak a reltik ah a pa ih a
duhdawt dan kha a vun ruatsuak ve ih , “ Pa Pawl Ni” din duhnak
thinlung fimte a vun neive..Hi ni hi “Pa Pawl Ni” suahnak ding ih
ruahnak tha a suah ni asi..Dood ih Pa hi June thlaih suak a si ruang
ah 1910 June 19 cawlhni sun ah a veikhatnak “Pa PawlNi” cu hman asi
..Spoken, Washington le khaw dangdang ah a mah Dood rori in awnnak
puai a tuah.Cui ni ih sin “Pa Pawl Ni” cu June cawlh3 nak ah hmagndign
in Ram uktu 36 nak Richard Milhous Nixon in “Pa Pawl Ni” cu
sunglawizet ih hmagnding in a ram ah thu athan ve a si … Cutin leitlun
pumpi a darh vivo.Kan pa le pawlih in duhdawtnak hi Dood a pa ih a
duhdawtnak hnakin a malce cuang lo…
“Pa Pawl Ni” a dinnak sullam cu pa cu a dinhmun sunlawizia le upattlak
a si zia ..insang nupi fanau kilkhawinak ih a tuanvo a tumzia a
theihfiang a tul tile , nupi fate khalin Pa ih kilhimnak le
tuamhlawmank ah an sunlawih le upat thiam a tul ti hi asi ……Pakhalin a
dinhmun le tuanvo a theih a tul zia le nupi fanau khal in insang pa
bik thunun dan thiam a sunlawizia ..an upat le tihzah thiam a tul thu
hi asi ……..
kan sentet lai ih kan theih mi kan pa cu mi cak bik a si kha .. rual
le pi thawn kan thawh awk ti vek hman ah ka pa hnen ah ka lo sim ding
kan ti theu ..ziang kim ti thei tu ti in kan ruat theu ... Pa pawl hi
cu ziang vek zawng ih vun thlir khal ah sunloih cu an phu ve hrimhrim
.. kan khristian dan le dun thawn khal a milaw ruang ah kohhran in pa
sunloih ni hi a hmang ve...nau hak pawl cun Pathian an hmuh thei lo
ruang ah an lei taksa ih an kiangnai bik ih um an pa cu papa ti in an
ko theu cu mi ih sin Pahtian thawn kan pehzawm aw ti cu hteih fiang a
si ..Pathian khal le pa sunloih hi cu a rak ruat cia mi a si ih kan
nih milai pawl hin kan rak hmang tlai sawn a si lam si hih...
Pai um nak ah cun innsang a um...Pa cu innsang ih lubik an si ..Pa cu
zo vek te an si khal le sunloih le upat ding a si Pa sunloih upat hi
Pathian ih duhzawng a sivek in thlasuah dawnnak khal a si ...kan lai
thufim ah cun " Pa um lo nak inn cu Luangpi tel lo inn vek a si " ti
in a um ..a um zia cu ziang tluk ih innropi sak tum khal awla Luangpi
a tel lo ah cun innpi a tling lo .cu vek in Pa um lo nak inn cu luang
pi um lo nak inn pi vek a si ih a nuam khal a nuam lo innsungsang khal
kan hlim thei lo ...
" Pa Al < NU Thlum " ti mi thufim khal kan rak nei a sullam cu
..ziangvek rawl hmeh kan timtuah khal ah a al ter tu ci te tel lo ah
hi cun athaw thei lo cu vek in Pa um nak innsang cu innsang a tling
thei lo ..
" Pa A thih cun kum 3 a deih " an ti ...a umzia cu cerhleh sal a har
ngaingai ti nak asi ....
" Pai rilrawn cun loram a kuah ih nui rilrawn cun rawl ben an len " ti
mi tong fim khal a um a um zia cu pa cu nisa ruahsur ngaihsak lo ten
fa le hrang ah sum le saw a hawl ni tin ei ding tilrah hruhding hni
puan tla sam lo ding in har sat a tuar ...cu tluk ih in duhdawttu kan
pa rori sunloih hna kan thiam lo ding maw Paul cun mah hring tu pa
sunloih cang thei lo tu cu zum tu si hmanseh lazum lo tu ai in an sual
sawn a ti ...na pa kha a dam lai ah upat la na san a sau ding ih na
lamzin a tlaung ding....
A fa le hrang ih thihnak kotlang ih ding phah cing ih in duhdawt tu
kan pa hi sunloih thiam a va thupi em .. kan lei tak sa ih kan pa cu
sunloih thiam athupingai ngai ... an thih hnu ih mithli for khat ai in
an dam lai ih ngaihsak thiam hi a duhum sawn ... Pa cu kan lei Pathian
rori an si... Pai thuawih cu thlasuah dawn nak asi ....
Judah miphun pawl cu zingpit an thawh tik ah an nule pa ih kuh an fawh
sak hmai sa ih cu theh hnu ah a pa ih thupek cu an ngai ... Greek
miphun pawl cu an pa , an pu , an pusin tiang an thih hnu khal ah
cibai an buk ringring cu mi cu Paul in khal tha a ti zet ..hmanseh
Bawipa nan Pathian hmin in na nu le na pa cu u pat aw a ti ...Pa cu
Pathian aiawh tu an si vek in puithiam khal an si ...
Fanu Fapa cathiam sang zetzetnei hman seh la pa um lo nak innsang cu
mi zoh ah cun nuhmei dinhmun ah an thleng leh mai a si ..Sabit ti ri
tuk ruang ih lawngfah kheh ih a it tu Noah cu a fapa Ham in a hmuh
suam ....Pa hmuhsuam tu Ham ih canvocu camsiat tuar le a u le nau pawl
ih sal ah a cang ta mai a si kha....
Pa cu ziang vek te an si khal le upat ding ... hi mi tiat a lo thlen
tu na pa kha hmuhsuam aw hlah ..na pa um lo sehla cu na seem lo
ding...ziang tluk in mifim ca thiam na si khal le na pa kha hmuhsuam
aw hlah ..Fa nu fapa tak sa tha zetzet si hman aw la ka pa nang ra
cawl hrih aw kei mah ka tuan ding ti hna a htiam lo tu cu zo hman in
an ngai na lo....
kan sentet lai ih kan pa kha cu ziang kim ti thei mi cak bik a si ih
kan hung pi tling vivo ih mah le tawk cio in thu kan run neih tik ah
ka pa hi cu a aa tuk a tar tuk zo ih ruahnak khal a nei nawn lo kan ti
mei theu ..hmanseh khua a hung rei ah cun ka pa kha aw um lai sehla cu
ruahnak thatha in pe ding si khawh kan ti sal mei theu ......
Cui ruang ah kan nu le kan pa hi an dam lai ih ngaihsak htiam apawi
mawh an dam lai ih na duhdawt lo ah si ah cun vansiat nak cun na hmai
in a lo hmuak ding ih na sirawk ah van sang na lam lai ding... nau hak
lai ih sin in cawm tu kan pa rori kha upat tlak an si ..nu le pa
thuawih hi Pathian ih duhzawng a si bang tuk in thlasuahdawn nak ledam
sau nak khal a si ..pa ih tongkam kam khat hin huham a nei zet in ka
hmu ...pai lung awi ter thiam tu cu thalsuah an dawngding ..na pa cu
na kiang nai te ih um a si lo hman ah fawn ti vek in fawn aw la na
ngai zia le na duhdawt zia fiang ten sim aw ziang tluk in a lungawi
ding na pa cu pai lungawi ter thaim theu tu fa cu malsawm an dawng
...kan nih khal pa le lungawi ter thiam tu fa kan si thei nak ding ah
na sa zet in kan zuam cio pei .....
duhsak nak thawn....Hoi Lo Par .
Umdan ding I zirhtu cafang pawl
Umdan ding I zirhtu cafang pawl
1.Hlawhtlinnak dawnkhamtu…..ṭihhrut nak(ngamlo nak)
2.A thabik mi ni…..tu ni
3.A olbk mi hnaṭuan…..midang ih sualnak va hawl suah
4.Hmantlak a si lo mi neihnak….. Hngalnak,Puarthau nak
5.A tumbik sualnak…..a sungkhan peknak(ka ngam lo,ka ti thei lo ding,,atc)
6. A tumbik dawnkhamtu….. Duhham nak
7.A tumbik lungawinak…..Hna pakhat ṭhazet in kan tuan ih kan tuahsuak thei ruangah
8.Mi thuel a hmang ringring tu…..Mi zaangzel,,um hiahhiah duh pawl
9.A tumbik farahnak…..thinlung taktak,ruahnak taktak tel lo ih thil vatuah
10.A thupibik mi…..mi dang hmuhdan theihdan pompi thiam,theihtiam saktu sinak
11.A ṭhabik laksawng…..ngaidam nak
12.A ṭha lo bik ruahnak…..mi an ṭhangso ruangih nahsik,iksik,hmu thei lo
13.A tumbik mi caan…..thih caan
14.Ziangkim a thei ṭheh tu…..Pathian
15.Leitlun ah a thupibik mi thil…..Duhdawtnak
Hi pawl hi ka nun lamtluan ti mawitu ding le lamzin dik ih I hruaitu ding pawl an si.
1.Hlawhtlinnak dawnkhamtu…..ṭihhrut nak(ngamlo nak)
2.A thabik mi ni…..tu ni
3.A olbk mi hnaṭuan…..midang ih sualnak va hawl suah
4.Hmantlak a si lo mi neihnak….. Hngalnak,Puarthau nak
5.A tumbik sualnak…..a sungkhan peknak(ka ngam lo,ka ti thei lo ding,,atc)
6. A tumbik dawnkhamtu….. Duhham nak
7.A tumbik lungawinak…..Hna pakhat ṭhazet in kan tuan ih kan tuahsuak thei ruangah
8.Mi thuel a hmang ringring tu…..Mi zaangzel,,um hiahhiah duh pawl
9.A tumbik farahnak…..thinlung taktak,ruahnak taktak tel lo ih thil vatuah
10.A thupibik mi…..mi dang hmuhdan theihdan pompi thiam,theihtiam saktu sinak
11.A ṭhabik laksawng…..ngaidam nak
12.A ṭha lo bik ruahnak…..mi an ṭhangso ruangih nahsik,iksik,hmu thei lo
13.A tumbik mi caan…..thih caan
14.Ziangkim a thei ṭheh tu…..Pathian
15.Leitlun ah a thupibik mi thil…..Duhdawtnak
Hi pawl hi ka nun lamtluan ti mawitu ding le lamzin dik ih I hruaitu ding pawl an si.
Falam Khawpi(part two)
Zing tin ten a tuan thei bik in ka tho ih ka tlan theu. A nuam ka ti thei nasa. Zing dai
ih tlan hi a rak manhla in hrisel nak khal ah a rak tha zet fawn. Zing dai
thawh pek ih dai tiamtiam Falam khawsung, hmun tin ah cumci mero thawn, par tin
a mawi bik Laitlang pangpar tintian pawl hi zovek zuk suai tu khal in hi tluk
ih mawi mi thil hi cu an zuk dah lo ding. An rak zuk theu zo a si hman ah mai
mit rori ih ka hmuh zo ruangah hitluk ih mawi in cun ka hmu thei nawn lo ding
ti ka thei fiang zet. Hmu lo tu cun mang
maw ka man ti ding khawp in boruak um daan leh nikhaw mawi daan hi a mak
in a dang lam, ka hmuh mi hmun hmuahhmuah dang hnak in.
Zing khat cu hla deuh tiang ka tlan ih zinsir bus stop
pakhat hnuai ah kutdawh bang zet mi pakhat pa a rak it ka hmu.Sam ti biambiam
hnok luihli, puan setak tlek hnianghniang zo hi a sin ih, zing khawidai thei in
a ke a cawm nasa. Aih, hitluk khawpi
mawi leh cangkang sungah kutdawh tla an rak um lai maw si ti ruat phah
in mangbang nawn in mal lai ka vun zohfiang bet. A hnok zia leh a tawp zia hi
ai,ai,ai va se lawmam ve. Ai, a hung cang fuamfo ih a hmai fai lem lo ka vun
hmu bet. Ka zang lamlam a fak ciamco, ka dawn a ti har thla theh lam. A mit
bi te thawn cun I hun zoh ii ka tuk
lamlam a paw tum, ka lainat tuk ruangah si ding. A hmel zaten ka hmu theh. Ka
thin lung ten kan Laimi a si pang pei maw? Kan Laimi a si ah cun hivek rori ih
um thei teh. Hitluk Falam thang so zo ih hivek rak um ve cu a va pawi ve.
Sungkhat unau dang teh a nei lo maw si? Maw, thluak lam that lo nak a nei maw
si? Tivek pawl ka ruat buai nasa lawk. Ti siamsi ten ka hei hnih san ih in rak
hnih san ve.
Biak ka tum ih ka kaa ka aan zawngah nupi nu pakhat kan lam
pan turto ih ra ka mit thlam in ka hei hmu. Ka be ngah sal lo. Kan lam ah a ra
tum a bang ual. A ra thleng ngaingai. Ka rak zoh ring ring. “Pa Thang, Pa Thang
tho aw,tho aw, kan tlung ding. Kan lo hawl rero hokhaw. Khah tho aw” ti phah in
a lu a vun tun sak ih a vun kai tho.Laimi a si ngaingai ual, mangbang za a va
si ve. A nih khallen a tho ve mai ih a puan la in a thlun mai. Nupi nu cun in
zoh kir sal lo. Kar nga hrawng an kar hnu ah vei khat in I run zoh kir sal, a
hni siamsi phah. Aih,ka thin a tham nasa cui tum in hnih san mi cu. Ka kut
pharh in bye-bye ka piah ih ka hnih san ve. Cutin in feh liam san.
Ka thin lung ah a cam ringring cumi ti siamsi tei in hnih
san mi kha. Ziang hman ka thei fiang lo nan ka sim fiang thei lo mi thil pakhat
ka thinlung ah a cam ti cu ka thei fiang aw zet. Sinan, ziang vek ciah ti cu
rel ngaih nak ka thei ve lo. Tih tiseh la si lo deuh, thinphang tiseh la si
ngaingai deuh fawn lo.Zah um tak mi si vek in tla ka thinlungah a rung um. Thinlung
ah hna a tuan kan ti men pei cu ti a awl zawngin. Ka thlir ringring ih an lang
baan tiang. Cui sin kei khal ka tlan thawk lala sal.
A cuisun khal meeting ka kai lala, sinan tu cu hmun dang ah
a si ve thung. Hotel dang ah a si ih ballroom khat in meeting kai tu kan um. A
tamsawn cu keimah vek Laimi kan si ih midang pawl cu Mirang(ramdang ih si
ra),Kawl tla mallai, cun India lam mi tla an um hnuaihni. Tu ih meeting kan
neih mi hi hmun dang dang ih kan company ih tuantu sang pawl tawnawk khawm nak
a veikhat nak meeting a si. Meeting ra kai tu kan tam in kan nuam tlang nasa. Himi
company hi ram 40 lai ah dinsuah a si zo ih, company(outlet) hi 160 tiang awn
bet vivo a si zo. Awnak puai tla kan hman theh hnu in thutawi relnak ka nei ve.
Ka vung ding hi ka tuk vek a paw ciamco in ka thei. Kan Laimi hitluk tam hmai
ah veikhat hman thu rel in ka ding dah lo ih ka thin phu vek a rang ciamco tum.
Cu len ka thin ah lungkim tuk nak a rung thleng leh, cucu kan miphun in hitluk
hmai kan sawn zo ti mi ka ngah sal. Kan company a rak thok daan ihsi thawk in
tui kan company dinhmun leh, hmailam kan project neih mi tawitheibik, famkim
tak ih ka rel hnu ah lungawi thu simnak thawn ka thu rel ka cem ter ih ka to
nak hmun ah ka to sal.
Thaw a suak hlunhlo duh nasa. Cun, tawk fang in tuikum
sungih company ih suklut tambik laksawng
peknak an nei ih cumi ah Salai leh Mai company(outlet), Falam in a ngah
ta riai. Himi hmun leh himi company khuai ih tuan ka si lo nan ka lungawi tuk
lawmam. Ka duhdawtmi Lai ram ih um kan company khuai in a ngah si hman seh la
kei mai ngah vek in ka lung a awi tuk. Ka za beng a rak ring luan deuh si ding
ka kiang to ve pawl in in zoh duh nasa. Pawi ka ti lem lo ih ka zam cuang fawn
lo. Laksawng phunphun pek awk nak kan theh in sun thai thawh ei khawm nak kan
nei a cui Hotel pi ah cun. A sun cu cutin sunvu in caan ka hmang liam. A va
nuam te te ee.
Tak ka khawlh aw ih
cu theh in zanriah ei ih leng suak ding
ah thlalang hmai ah ka bih aw. Duk, ti ro rin ka thinlung ah tuizing ih zinkap
ih it ka hmuh mi pa ih hmel a lang dukdi. Ka lau tum lam ual. Thla lang hmai
ding in ka sam nuam te hriat phah le cumi pai thu ruat phah in ka timlam aw
rero. Ka ruat phah phah ka ti ko nan a ziang mi bik khi ruah ding ka thei cuca
cuang fawn lo, ka thin lung ah a um ring ring lai fawn. A mah tawn leh sal ih
thusuh vek maw ka cak ka thei thiam aw lo kei mah le mah khal.
Zan riah ei ding in ka pawk suak ih rawldawr pakhat ih ka
luh zawng ah tui zing ih Pa Thang, Pa Thang ti ra ko tu nupi nu(Nu Cuai) kha ka
vun hmu duk di cuteh. Aih lala dah, a nih khal in in rak hmu ve ih hmudah mi
bang ih thei fiang ngai ngai deuh lo bang khin in rak zoh ve. Hni phah in ka
baan ka hei phar ih a nih khal in in rak hnihsan siamsi ve. In vun mang leh sal
si ding. A tonak cabuai ih to ve ding in in rak sawm.Zanriah ei ding in an pa(Pa
Kai) a rak hngak ve lai hi a rak si. Ka lungawi daan, thil ka theih duh mi mal
te tal theih ngah beisei zet thawn a tonak cabuai lam pan in ka va feh. Cuisin
cibai aw phah in hmin pawl, khui tawk in ti pawl kan sut aw ih tawkfang in a
hngah mi an pa a ra thleng ve.
Rawl kan cah, in ding a ti pawl kan cah ih tawkfang minute
20 hrawng ah cun ei leh in kan thawk thlang. Ka thinlung ih ka rak pai ringring
pawl hi vun suh dukdi ka cak zet nan ka hmaisawng hai fawn, theih len ka hiar
tuk lawmam fawn. Rawl ei phah khal in kan ti ti rero phah ko. Ka um thei nawn
lo, a can can cang ko seh tin kei mah thotho cun hmaisawng deuh nawn ten thusuh
ka thawk lala. Pa Kai cun awl sam zetzet leh hnuai ih ret deuh in Pa Thang
thuhla ka suh mi pawl cu in sang men. Tawkfang nawn tiang Pa Kai in Pa Thang cu
ee mi bang lo si maw ti a si, mi ih ziang khal ih siar lo tak si maw ti a si,
na thil a rak lo dil sapbai maw si? Tivek ih a ti tam deuh thlang in Nu Cuai um
thei nawn lo in,
“Si lo, si ko, si lo hokhaw. A hlan ah cun kan nih hnak ih
fim, thluaktha ngaingai, mi taima zet, ziang vek hna khal tuan hruthro, mi law,
ca thiam tak sokhaw a si nan tu ah cun na hmuh vek kha a si ko” tin tah aw deuh
nawn in in a run tong suak tla hi cuh AIH, ti rorin ka thin I khei dukdi. Ka
zum vek ciah cu si lo nan, ka hmuh pek ih ka thin I thawng tu hi himi a rak si
deuh men thei ka ti aw sal rero. A ziang mi bik ti ka theih lo mi kha tu ah
theifiang zet vek in ka um thlang. A ruah ngaihnak ka theih lo mi khal kha tu
ah cun ruahding tampi nei ah i cang ter. Mi tam pi in mi aa vek ih an rak zoh
ih an rak nautat hmuhsuam rero mi khan thuanthu mak tuk a nei ti an rak thei
hai lo si ding hi maw ka ti rero. Ziang ruang bik ah hi tin a cang ti len….
Pa Thang hi Pa Kai tei unau sarih lakih upa bik a si ih
cathiam sang a rak si. An ni san lai ih cathiam sang hi cu rak thiam tak an si.
Pa Thang hi Surbung International Airport tuah ding hrang tan la emem tu, a
thiamnak, a thacah nak pawl nasa tak hmang ih rak bei tu a si. Zuam nasat te in
a rak zuam, kan Laimi thansonak ding ti hi a sunmang tumbik leh a zuam nak san
pi bik cu a si. Kum a rei deuh in a sunmang cu a ngai ah a ra cang ta. Vanzam
ra tum hmai sa bik hi Kawlram sungta Asia Myii timi private vanzam a si ih,
cunah cun cumi company boss pawl an tel. An zoh ih an duh tuk Pa Thang hi an
ngaisang tuk hivek ramdang thiam nak tel lo ih mai ramsung mi in hi tluk ropi
mi vanzam tumhmun design a rak zuk thiam hi an uar tuk. Thla hnih khat a rei
hnu in ramdang mi ra zohtu tam pi an um ih
cumi pawl khal in an uar in ropi an ti thei nasa. Pa Thang rori in
interview si seh sunloihnak si seh tampi a dawng. Caan a rei deuh in cozah hotu
pawl in an ngaihlo a si hmang ding. Cu tin nan tuah, kan thu in do, kha tin nan
ti lo tipawl a phun phun hek nak thawn airport laksak an tum. Sumpai lam bawm
tu hi ramdang in a si ruangah a cucu ziang hman ti ngam lo in hotu tampi parah
an lungawi lo thu an sim. Cu mi Pa Thang in a theih ve ten cozah hotu tawng in
ngaithiam a dil, ting sak lo ding in. Buainak tam pi tla a lak ah asuak phah
ko. Cuisin, Pa Thang riang ri parah an lungawi lo lala ih na design hi cumi ih
ta na copy(laksawng) tivek, kan thu lo in na tuah tivek a phun phun in a siat
nak an hawl thlang. Pa Thang cu tangdawr lo ngam tak in a do vivo thotho. Ni
khat cu palik in an kai ta, cuisin Falam
thawng inn ah an thlak lawk ih ni li,nga lai a rei hnu ah Naypyitaw lam ah
phurh ih cozah daan ih thurel catsak ding an ti. Pa Thang cu a hlo ringring ta
lawk. Kum hnih hnu ah mi dang in Pa Thang, Falam a hung thleng sal zo tin mi in Nu
Cuai tei an sim ih cutin an inn ah an ko sal. Ziangtik ah a thleng ti khal
zohman in an thei lo ih, ziang tin a thleng ti khal zohman simthei tu an um lo.
Cu mi ih sin tutiang mi bang lo in a um lan ta cih. Ziang ruangah hitin a cang?
Zo ruangah? Ziangtin an tuah? Tithei tu khal zohman an um hrih lo. Thawng a
tlak lai ah cun Falam khal pursum leilawn nak lam ah hma tampi a rak sawn ih tu
vek tiang in kan mit hmuh lai rori ah kan ram a thanso zia kan hmu thei. Pa
Thang ih that nak zar khal tam pi a tel sokhaw tin Nu Cuai cun Pa Thang ih
thuhla tawifamkim zet in in ruah bet.
Aw, tu cu ka thei fiang ngah riai! Ka ruahban ve lo mi thil
tam pi a rak cang si hi Falam khawpi sung ah hin. Kan thei baan lo deuh teh a
si pei maw? Cu vek thu hla rel ka thei dah ngelcel lo. Mi taima tak Pa Thang
kan rak neih ruangah Surbung tlang ih airport hin ramdang ih an airport tluk in
a mawi ih a pi, curuangah ram dang mi an ra lut cupco ih sipuarzii tuah in, cu
mi ih si kan Falam thang so vivo a rak si ti hi tu lawng ah fiang ten ka thei ta.
A va mak ve aw, mi raltha lukhum pektlak rori a rak si. A mah cun a thei nawn
lo ding nan a mai ruangah kan miphun in hlawk nak tampi kan ei ih kan thang so
theh zo. A zuamnak pawl hi kan hrang mei eng in hmuh tu a rak si. Ka di a riam
tuk, curuangah si pei maw a mah ka hmuh lai ih ka thin lung a dang lam ciamco? A
hnih ka hmuh ih dawnhar zet ih ka um? Aw minung hi lenglam men zoh in ziang mi
a thiam, ziang mi a rak tuah, ziang vek a thei, ziangmi a ruat? ti theih thei
ding a rak si ual loh.
A cuizan cu zan var
thu ruat in itthat thei lohli lo in ka um. Ka theih duh mi ka thei theh nan ka
thin lungah hmun I khuar sinsin. A mah thawi titi thunuam rel ka cak sinsin, a
mah tawnih cibai ka cak ciamco. A thuhla pawl suhsal ka hiar sinsin. Zan simpi
tiang cumi thuhla ruat in ka ihkhun ah ka zau rero. Ihthat tum rero hman seh la
a ngah lo rori si ko. Ka ruahnak hmuahhmuah, ka thluak zate ah hithu lawng in a
khat theh. Zan cu a sim vivo, a sim
vivo.
lungawi..
Pehlaiding……
Salai:H.Lun
Zuk...!
Zuknung
Recent Stories
Chin Santiluan Facebook
Sponsors
Search
Archives
Categories