Sittwe ah boruak a dai vivo ruangah zanvahsuah daan(curfew) zanlam 7pm ihsin zinglam 5am tiang thu an suahmi ihsin zan 10pm ihsin zinglam 4am tiang October ni 11 ni ah caan an thum ih a thaisun te ah Aungmingalar vengah kutthlak ih buainak a suakbet sal lala.
            Mitampi pungkhawm ih sualawknak a suak ruangah vengsung palik pawlin vansang ah meithal kappuak in mipi pungkhawm an thekdarh tin Rakhine party hotu U Hla Saw in a sim.
          Meithal an kahpuak theh hnu ahcun Aungmingalar veng ih ra pungkhawmtu mipi pawl cu an darhsal theh ih boruak a dai sal.
         Hiti a cannaksan cu Aungmingalar veng ih Muslim pawlin Rakhine veng pawl do dingin an ra pungkhawmaw ti thuleng a um ruangah Rakhine pawl khalin Aungmingalar veng ah ra pungkhawm aw ve in cutin buainak rak suakmi a si.
       

HTML Comment Box is loading comments...