Mali thuhla than pehpar aw ah United Nation Security Council in thutluknak pakhat an tuah ruangah khawleng ralkap pawl Mali ah ra lut ih bawm ding a nai rero thlang.
             Mali ah kan dung March thla ah khan sinak lawnawknak a um hnu ramsung hmar lamah Islam tapung hel pawl buainak a tuah sinsin mi dosuak theh dingin nitlaknak lam Africa ram ihsin ni 45 sungah ralkap 3000 thlahsuak dingin France ih kaihruai ii an cakvaihnak himi UN thusuak ah thazang an pe.
             Islam helpawl ih an kulhmi North Africa ramsung daihnak an tihphan ruangah hivek ih an tinak a si tin France president Olon in a sim.
            Culawng silo, himi UN thutluknak ah Mali cozah leh tapung karlak ah mitampi ih pawm thei dingmi rualremnak hrang thurelkhawmnak thok thlang dingin tha peknak tla a tel cih.

HTML Comment Box is loading comments...