BBC(Burmese) 10 Oct 2012(Wednesday)...

                       Saudi Arabia ramih hramthokmi OIC(The Organisation of the Islamic Cooperation) tiih kawhmi Islam rampawl tuantlang pawlkawm hotu in kan dung september ni 11 niah OIC ambassador Ufuk Gokeen leh Minister of Border Affairs Lieutinant-General Thein Htee thawi an tuantlangnak capi ah sign thutnak an nei.
                       Capi vek a sile Yagon khawpi leh Sittwe khawpi pawl telin Rakhine ramthen sung khalah OIC zung ong bet vivo ding thu OIC in BBC hnenah a sim thei. OIC zungpawl ziangtik ah an ong ding?Zianghna pawl an tuan ding ti mipi tampi in an zoh thepthep bangin duhlo ih zinzawhnak(sandahpiah) pawl khal Yangon leh Rakhine ramthen pawlah a cang rero phah.
                       Tufang te ahcun OIC zungthar ong  dingin an timlam rero laiih a rei hlanah an ong mai ding tin OIC ih thuneitu pakhat in BBC hnenah a sim.
                      Yangon zung cu visa hrang leh bawmawknak pawl hrangah awn a si dingih, Sittwe zung cu minung leh minung zangfakih bawmawk tawnnak hrang si dingih awn ding a si thu a sim bet.
                      OIC in minung paziat a run thlah ding ticu rellang a si lo nan, ramsungmi pawl khal a hmang phah ding ti cu a simlang.
                     Kawlram sungah OIC zung ong lo dingin mipi thenkhat leh phungki thenkhat pawl khawlin sandah piahnak an nei. Na thei maw? tiih thusuhnak cu Mrs Dina Madani cun "himi cu mipi ih an zumhmang lawng fang a si,Kawlram cozah ih a tuahmi a si lo. Mipi ih ruahnak parah zianghman ka rel a tullo. An OIC hi cozah thawi kutkai awiih tuantlangmi a si. OIC zungpawl awn a si mi pawltla Buddhist leh Muslim pawl bawmnak ding hrang a si. Tuah cun zung awn theinak caantha(chance) la in an pahnih karlak zumawknak nei dingin tuah a si ding" tin BBC hnenah a sim.
                    OIC timi Myanmar thawi hnimhnoihawknak an neih hi kan dungih cangmi Rakhine buainak theh hnu lawngah a si. Sinan Myanmar mipi leh phungki pawl cun OIC ah a dang hnatuannak pawl tla a tel vivo pang ding ti an phang zet ruangah tuvekih OIC duhlonak ti lang ih sandahpiah an rak thokmi a si.
                    Cozah khalin OIC zung awn ding thuhla mipi hnenah zianghman rellangnak a nei hran cuang lo. Mrs Dina Madani cun zianghman poipeng dang a um lo ding thu a sim bet.
                    Myanmar mipi hrangah zianghman thinhar ding a um lo. Cozah thawi lungkim ih an sign nak capi khal a fek zetmi a si. OIC ih tuahdingmi pawl khawl minung leh minung bawmawknak lawng an si. Myanmar cozah khalin mipi hnenah fiang zetih an theihtheinak ding in a simfel a tha. OIC in bawmnak hrang lawngah zung a ong.  Adang ziangmi duhnak leh ruahsannak hman a neilo ti Myanmar cozah in mipi pawl hnenah a simfel a tha tin OIC ih Rohingya hrang hotu in BBC hnenah a sim.
                    Myanmar cozah in mipi hnenah felfai teih a rel lo ruangah OIC lamin Myanmar mipi pawl leh phungki pawl cu an zung hnatuan thuhla thawn pehpar awin simfiangnak a nei peimaw tiih an suhnak cu an hotu ih a khualtlawn lai khalah biaknak lamih hotu pawl thawn khalin an tawngaw theh zo a si thu in Mrs Dina Madani cun a letsal.
                    Pakhatdang, Rakhin ramthungsung cozah vuangyi ih tawlrelsak nakin biaknaklam hotu pawl leh khawsung hotu pawl thawn khal an biakawk fel thei ruangah OIC ih hnatuannak pawl khal simfiangawk a si theh zo, hivekih relkhawmnak neih theh hnuah thatein remawk nak tuahin tuankhawm thei ding, zainghman relfel awknak a um lo cun buainak pawl cinfel a theih lo ding ih khatlam leh khatlam bawmawk tawn a tul ngaingai tin Mrs Dina Madani in BBC hnenah a sim.

                    

HTML Comment Box is loading comments...